|
|
 |
| (GMT+08:00)
2005-05-12 10:04:05
|
 |
|
ສ.ເກົາຫລີສະແດງຄວາມວິຕົກກັງວົນນຳການກະທຳທີ່ສປປເກົາຫລີກັ່ນເອົາທ່ອນວັດຖຸເຊື້ອໄຟນິວເຄຼຍ
cri
Author: MO
ຕາມຂ່າວCRI：ວັນທີ 11 ພຶດສະພາ, ທ່ານລີຄິວເຮີງ ໂຄສົກກະຊວງການຕ່າງປະເທດແລະການຄ້າສ.ເກົາຫລີກ່າວວ່າ, ລັດຖະບານສ.ເກົາຫລີສະແດງຄວາມວິຕົກກັງວົນນຳການກະທຳຂອງສປປເກົາຫລີທີ່ສຳເລັດການກັ່ນເອົາທ່ອນວັດຖຸເຊື້ອໄຟນິວເຄຼຍ 8 ພັນທ່ອນຈາກເຄື່ອງປະຕິກອນນິວເຄຼຍໃນຫວ່າງມໍ່ໆນີ້.
ທ່ານລີຄິວເຮິງເວົ້າວ່າ, ການກະທຳຂອງສປປເກົາຫລີແນວນີ້ແມ່ນຝືນກັບຫລັກການປອດນິວເຄຼຍຂອງແຫຼມເກົາຫລີ, ຈະພາໃຫ້ສະຖານະການແຫຼມເກົາຫລີຊຸດຮ້າຍລົງກວ່າເກົ່າ.
ທ່ານລີຄິວເຮິງຍັງຊີ້ອອກວ່າ, ປັດຈຸບັນ, ບັນດາຝ່າຍທີ່ກ່ຽວຂ້ອງພວມທຳຄວາມພະຍາຍາມອັນຕັ້ງໜ້າເພື່ອຟື້ນຟູການເຈລະຈາ 6 ຝ່າຍກ່ຽວກັບບັນຫານິວເຄຼຍແຫຼມເກົາຫລີ, ການກະທຳຂອງສປປເກົາຫລີດັ່ງກ່າວຈະມີຜົນສະທ້ອນດ້ານລົບຕໍ່ຄວາມພະຍາຍາມແນວນີ້ໂດຍບໍ່ຕ້ອງສົງໄສ.
ວັນທີ 11 ພຶດສະພາ, ໂຄສົກກະຊວງການຕ່າງປະເທດສປປເກົາຫລີກ່າວວ່າ, ຫວ່າງມໍ່ໆນີ້, ສປປເກົາຫລີໄດ້ສຳເລັດວຽກງານກັ່ນເອົາທ່ອນວັດຖຸເຊື້ອໄຟເສດເຫຼືອ 8 ພັນທ່ອນ ຈາກເຄື່ອງປະຕິກອນນິວເຄຼຍແບບທົດລອງ 5 ເມກາວັດທີ່ຕັ້ງຢູ່ເມືອງນຽງພຽງແຂວງພຽງອານປັກສປປເກົາຫລີ. ຕາມຊາບວ່າ, ທ່ອນວັດຖຸເຊື້ອໄຟເສດເຫຼືອຂອງເຄື່ອງປະຕິກອນນິວເຄຼຍແນວນີ້ອາດໃຊ້ມາກັ່ນເອົາປຼູໂຕນິອົມທີ່ເປັນ ວັດຖຸດິບໃຊ້ມາຜະລິດອາວຸດນິວເຄຼຍ.
|
|
|
