|
|
 |
| (GMT+08:00)
2005-05-12 10:36:34
|
 |
|
ສ.ເກົາຫລີສະແດງຄວາມວິຕົກກັງວົນນຳການກະທຳທີ່ສປປເກົາຫລີກັ່ນເອົາທ່ອນວັດຖຸເຊື້ອໄຟນິວເຄຼຍ
cri
Author: MO
ຕາມຂ່າວCRI：ວັນທີ 11 ພຶດສະພາ, ຢູ່ເຊອຸ່ນ, ທ່ານລີຄິວເຮີງ ໂຄສົກກະຊວງການຕ່າງປະເທດແລະການຄ້າສ.ເກົາຫລີກ່າວວ່າ, ລັດຖະບານສ.ເກົາຫລີສະແດງຄວາມວິຕົກກັງວົນນຳການກະທຳຂອງສປປເກົາຫລີທີ່ສຳເລັດການກັ່ນເອົາທ່ອນວັດຖຸເຊື້ອໄຟນິວເຄຼຍ 8 ພັນທ່ອນຈາກເຄື່ອງປະຕິກອນນິວເຄຼຍໃນຫວ່າງມໍ່ໆນີ້.
ທ່ານລີຄິວເຮິງເວົ້າວ່າ, ການກະທຳຂອງສປປເກົາຫລີໄດ້ຝືນກັບຫລັກການປອດນິວເຄຼຍຂອງແຫຼມເກົາຫລີ, ຈະພາໃຫ້ສະຖານະການແຫຼມເກົາຫລີຊຸດຮ້າຍລົງຕື່ມອີກ. ທ່ານທວງໃຫ້ສປປເກົາຫລີເຊົາການກະທຳຄ້າຍຄືກັນນີ້, ກັບຄືນສູ່ການເຈລະຈາ 6 ຝ່າຍທີ່ມີວັດຖຸປະສົງແກ້ໄຂບັນຫານິວເຄຼຍແຫຼມເກົາຫລີໂດຍສັນຕິ.
ມື້ດຽວກັນ, ທ່ານແມັກເຄຼແລນ ໂຄສົກທຳນຽບຂາວອາເມລິກາກ່າວວ່າ, ອາເມລິກາບໍ່ຢາກວິຈານຕໍ່ການແຈ້ງຂ່າວກ່ຽວກັບສປປເກົາຫລີກັ່ນເອົາທ່ອນວັດຖຸເຊື້ອໄຟນິວເຄຼຍ. ທ່ານຍັງກ່າວເນັ້ນວ່າ, ຝ່າຍອາເມລິກາສຸມກຳລັງເຂົ້າໃນການເຮັດໃຫ້ສປປເກົາຫລີກັບຄືນສູ່ການເຈລະຈາ 6 ຝ່າຍເພື່ອແກ້ໄຂບັນຫານິວເຄຼຍແຫຼມເກົາຫລີ. ທ່ານບາວເຊີ ໂຄສົກກະຊວງການຕ່າງປະເທດອາເມລິກາກໍໄດ້ກ່າວລື້ມວ່າ, ການເຈລະຈາ 6 ຝ່າຍແມ່ນຊ່ອງທາງດີກວ່າໝູ່ທີ່ແກ້ໄຂບັນຫານິວເຄຼຍແຫຼມເກົາຫລີ.
ວັນທີ 11 ພຶດສະພາ, ໂຄສົກກະຊວງການຕ່າງປະເທດສປປເກົາຫລີກ່າວວ່າ, ຫວ່າງມໍ່ໆນີ້, ສປປເກົາຫລີໄດ້ສຳເລັດວຽກງານກັ່ນເອົາທ່ອນວັດຖຸເຊື້ອໄຟເສດເຫຼືອ 8 ພັນທ່ອນ ຈາກເຄື່ອງປະຕິກອນນິວເຄຼຍແບບທົດລອງ 5 ເມກາວັດທີ່ຕັ້ງຢູ່ເມືອງນຽງພຽງແຂວງພຽງອານປັກສປປເກົາຫລີ. ຕາມຊາບວ່າ, ທ່ອນວັດຖຸເຊື້ອໄຟເສດເຫຼືອຂອງເຄື່ອງປະຕິກອນນິວເຄຼຍແນວນີ້ອາດໃຊ້ມາກັ່ນເອົາປຼູໂຕນິອົມທີ່ເປັນ ວັດຖຸດິບໃຊ້ມາຜະລິດອາວຸດນິວເຄຼຍ.
|
|
|
