|
|
 |
| (GMT+08:00)
2005-05-12 21:09:09
|
 |
|
ສ.ເກົາຫຼີເຕືອນໃຫ້ສປປເກົາຫຼີທຳການຄັດເລືອກທີ່ຕິດແທດຕົວຈິງ
cri
Author: li
ຕາມຂ່າວ CRI: ວັນທີ 12 ພຶດສະພາ ທ່ານບານກີມູນ ລັດຖະມົນຕີກະຊວງການຕ່າງປະເທດແລະການຄ້າຂອງສ.ເກົາຫຼີກ່າວວ່າ,ຖ້າສປປເກົາຫຼີຫາກຕັດສິນໃຈມີອາວຸດນິວເຄຼຍແລ້ວ,ມັນຈະເປັນການຄັດເລືອກທີ່ຜິດພາດທີ່ສຸດ. ທ່ານເວົ້າວ່າ,ສປປເກົາຫຼີຄວນທຳການຄັດເລືອກທີ່ຕິດແທດຕົວຈິງໃຕ້ສະຖານະການໃນສະເພາະໜ້າ.
ທ່ານບານກີມູນແມ່ນໃຫ້ທັດສະນະດັ່ງກ່າວຕໍ່ສື່ມວນຊົນສ.ເກົາຫຼີໃນໄລຍະຕິດຕາມທ່ານໂຣມູຮູນ ປະທານາທິບໍດີສ.ເກົາຫຼີຢ້ຽມຢາມອຸສເບກີສະຕັງ. ທ່ານເວົ້າວ່າ,ນັບມາຮອດປັດຈຸບັນ ຍັງບໍ່ມີຮ່ອງຮອຍໃດໆທີ່ສະແດງໃຫ້ເຫັນວ່າ,ສປປເກົາຫຼີຈະທົດລອງນິວເຄຼຍ. ທ່ານກ່າວເນັ້ນວ່າ,ລັດຖະບານສ.ເກົາຫຼີຈະສືບຕໍ່ອອກແຮງຊຸກຍູ້ແກ້ໄຂບັນຫານິວເຄຼຍແຫຼມເກົາຫຼີດ້ວຍການສົນທະນາກັນ.
ທ່ານບານກີມູນຍັງຊີ້ອອກວ່າ,ໃຕ້ສະພາບທີ່ປະເທດທີ່ກ່ຽວຂ້ອງເຊັ່ນສ.ເກົາຫຼີແລະອາເມລິກາເປັນຕົ້ນບໍ່ໄດ້ກ້າວເຖິງຂັ້ນມີຄວາມຮັບຮູ້ຄືກັນ,ບໍ່ຫ່ອນຈະເກີດສະພາບທີ່ອາເມລິກາໂຈມຕີສປປເກົາຫຼີກ່ອນແຕ່ຝ່າຍດຽວ. ນອກນີ້ ປັດຈຸບັນ ປະເທດທີ່ກ່ຽວຂ້ອງຍັງບໍ່ໄດ້ຫາລືເລື່ອງກ່ຽວກັບມອບບັນຫານິວເຄຼຍແຫຼມເກົາຫຼີໃຫ້ສະພາຄວາມໝັ້ນຄົງອົງການສະຫະປະຊາຊາດ.
|
|
|
