|
|
 |
| (GMT+08:00)
2005-06-02 21:06:35
|
 |
|
ສປປເກົາຫຼີຕິຕຽນອາເມລິກາຂາດຄວາມຈິງໃຈໃນການຟື້ນຟູການເຈລະຈາ 6 ຝ່າຍ
cri
Author: li
ຕາມຂ່າວສານຊິນຮວາ: ວັນທີ 2 ມິຖຸນາ ຢູ່ພຽງຢາງ ໂຄສົກກະຊວງການຕ່າງປະເທດສປປເກົາຫຼີໄດ້ໃຫ້ສຳພາດວ່າ,ຄຳປາໄສຂອງບຸກຄົນສຳຄັນຂອງລັດຖະບານອາເມລິກາທີ່ແນໃສ່ສປປເກົາຫຼີໃນຫວ່າງມໍ່ໆນີ້ແມ່ນຢາກຈະເບກລົດແຫ່ງຂະບວນການເຈລະຈາ 6 ຝ່າຍ,ແລະຮຽກຮ້ອງອີກເທື່ອໜຶ່ງໃຫ້ອາເມລິກາເກັບເອົາຄຳຕິຕຽນທີ່ວ່າ"ການປົກຄອງທີ່ທາລຸນ"ນັ້ນຄືນ,ສ້າງເງື່ອນໄຂອັນຈຳເປັນໃຫ້ການຟື້ນຟູເຈລະຈາ 6 ຝ່າຍ.
ໃນເວລາຕອບຄຳຖາມຂອງນັກຂ່າວຂ່າວສານສູນກາງເກົາຫຼີນັ້ນ ໂຄສົກເວົ້າວ່າ,ເຖິງວ່າຝ່າຍອາເມລິກາເຄີຍສະແດງທ່າທີເປັນທາງການວ່າ"ຍິນດີຮັບຮອງສປປເກົາຫຼີເປັນປະເທດອະທິປະໄຕ"ແລະ"ບໍ່ມີເຈຕະນາຮຸກຮານສປປເກົາຫຼີ"ກໍຕາມ,ແຕ່ວັນທີ 30 ພຶດສະພາ ທ່ານເຊນີ ຮອງປະທານາທິບໍດີອາເມລິກາກ່າວໂຈມຕີຕໍ່ໂຄງປະກອບການເມືອງຂອງສປປເກົາຫຼີອີກເທື່ອໜຶ່ງ,ແລະເວົ້າແບບບໍ່ຈົ່ງບໍ່ຈຽມຕໍ່ຜູ້ນຳສູງສຸດຂອງສປປເກົາຫຼີ. ໂຄສົກເວົ້າວ່າ,ໃນເວລາ"ບັນຫາການເຈລະຈາ 6 ຝ່າຍພວມຖືກຈັດເຂົ້າໃນວາລະປະຈຳວັນ"ນັ້ນ ທ່ານເຊນີເວົ້າແບບນີ້ແມ່ນທໍ່ກັບວ່າບໍ່ຢາກໃຫ້ສປປເກົາຫຼີເຂົ້າຮ່ວມການເຈລະຈາ 6 ຝ່າຍ.
|
|
|
