|
ຕາມຂ່າວສານຊິນຮວາ ວັນທີ 2 ມິຖຸນາ ຫນັງສືພິມລຽນເຫີຈາວປ້າວສິງກະໂປໄດ້ພິມບົດນຳໂດຍຂຽນວ່າ ອາເມລິກາຄວນໃຊ້ຫຼັກຫມັ້ນຄ່ອງແຄ້ວກວ່າເກົ່າໃນບັນຫາການຄ້າກັບຈີນແລະສະຫະພາບເອີລົບ ຖ້າບໍ່ດັ່ງນັ້ນ ການວິວາດກັນລະຫວ່າງສອງຝ່າຍຈະຂົ່ມຂູ່ການເຈລະຈາຫຼາຍຝ່າຍຂອງການຄ້າທົ່ວໂລກ
ບົດນຳຂຽນວ່າ ອາເມລິກາ ຈີນແລະສະຫະພາບເອີລົບແມ່ນສາມອົງກອນເສດຖະກິດໃຫຍ່ຂອງໂລກ ເພື່ອສ້າງບັນຍາກາດການເຈລະຈາ ວັນທີ 20 ພຶດສະພາ ລັດຖະບານຈີນໄດ້ປະກາດຍົກເວັ້ນພາສີສົ່ງອອກຕໍ່ສິ່ງປັ່ນທໍສ່ວນຫນຶ່ງ ແຕ່ການກະທຳດັ່ງກ່າວບໍ່ໄດ້ຮັບການຕອບສະຫນອງຢ່າງຕັ້ງຫນ້າຈາກສະຫະພາບເອີລົບແລະອາເມລິກາ
ບົດນຳເຫັນວ່າ ເຖິງວ່າຝ່າຍຈີນໄດ້ໃຊ້ມາດຕະການປະນີປະນອມກ່ອນແລ້ວ ອາເມລິກາກໍຄວນຜ່ອນໆລົງແດ່ ບໍ່ແມ່ນຈະກົ່ງລາຄາແຕ່ທ່າດຽວ ເຊັ່ນດຽວກັນ ລະຫວ່າງສະຫະພາບເອີລົບແລະອາເມລິກາ ອາເມລິກາກໍຄວນສະແດງລັກສະນະຄ່ອງແຄ້ວຫຼາຍກວ່າເກົ່າ
|
