ຕາມ​ຂ່າວ​ສານ​ຊິນ​ຮວາ: ວັນ​ທີ 6 ມິຖຸນາ, ທ່ານ ຣີຊາ​ເຕີ ​ໄມ​ສ໌ ປະທານສະພາ​ປະສົມ​ຫົວໜ້າ​ກົມ​ໃຫຍ່​ເສນາ​ທິການອາ​ເມ​ລິ​ກາ​ທີ່​ພວມຢ້ຽມຢາມ​ມາ​ເລ​ເຊຍ​ເວົ້າ​ວ່າ, ອາ​ເມ​ລິ​ກາ​ພວມສະ​ແຫວ​ງ​ຫາ​ວິທີ​ທາງ​​ໃໝ່​ທີ່​​ເພີ່ມ​ທະວີ​ການ​ພົວພັນ​ດ້ານ​ການ​ທະຫານ​ກັບ​ມາ​ເລ​ເຊຍ.ທ່ານຍັງ​ກ່າວ​ວ່າ, ອາ​ເມ​ລິ​ກາ​ບໍ່ມີ​ເຈດຕະນາ​ຢາກຕັ້ງ​ຖານ​ທັບ​ຢູ່​ມາ​ເລ​ເຊຍ, ​ແລະບໍ່​ເຂົ້າ​ຮ່ວມ​ການລາດຕະ​ເວນ​ປະສົມ​ຢູ່​ຊ່ອງ​ແຄບ​ມາ​ລັກ​ກາ.​

​ໃນ​ກອງ​ປະຊຸມ​​ຄວາມ​ປອດ​ໄພ​ອາຊີ​ຄັ້ງ​ທີ 4 ທີ່​ຈັດ​ຂຶ້ນ​ຢູ່​ສິງກະ​ໂປວັນ​ທີ 5 ມິ​ຖຸນາ, ທ່ານ ນາ​ກີບ ຣາຈາກ ຮອງ​ນາຍົກລັດຖະມົນຕີມາ​ເລ​ເຊຍ​ຊີ້​ອອກ​ວ່າ, ປະ​ເທດ​​ແຄມຝັ່ງຊ່ອງ​ແຄ​ບມາ​ລັກ​ກາມີ​ຄວາມ​ສາມາດ​ຮັກສາ​ຄວາມ​ປອດ​ໄພ​ການ​ເດີນ​ເຮືອ​ຢູ່​ຊ່ອງ​ແຄບ​​ໃຕ້​ສະພາບ​ທີ່​ບໍ່​ມີການ​ແຊກ​ແຊງ​ຂອງ​ອິດ​ທິກຳລັງ​ພາຍ​ນອກ.