|
|
 |
| (GMT+08:00)
2005-06-09 09:36:43
|
|
"ເດືອນວັດທະນະທຳຈີນ"ເປີດສາກຢູ່ມຽນມາ
cri
Author: mo
ຕາມຂ່າວສານຊີນຮວາ: ເພື່ອສະຫລອງຈີນມຽນມາສ້າງສາຍສຳພັນການທູດຄົບຮອບ 55 ປີ, ການເຄື່ອນໄຫວ"ເດືອນວັດທະນະທຳຈີນ"ທີ່ສະຖານທູດຈີນປະຈຳມຽນມາ, ກະຊວງວັດທະນະທຳແລະກະຊວງຖະແຫລງຂ່າວມຽນມາຮ່ວມກັນເປັນເຈົ້າພາບນັ້ນໄດ້ຈັດຂຶ້ນຢູ່ຢາງກຸງໃນວັນທີ 8 ມິຖຸນາ.
ທ່ານຊຸນເຈ່ຍເຈິ້ງ ລັດຖະມົນຕີກະຊວງວັດທະນະທຳຈີນໄດ້ຝາກໂທລະເລກອວຍພອນເນື່ອງໃນໂອກາດ"ເດືອນວັດທະນະທຳຈີນ" ໂດຍຂຽນວ່າ, ທ່ານເຊື່ອວ່າ"ການຈັດເດືອນວັດທະນະທຳຈີນ", ຍ້ອມຈະເພີ່ມການພົວພັນໄມຕິຈິດລະຫວ່າງສອງປະເທດຈີນມຽນມາແລະເພີ່ມຄວາມເຂົ້າໃຈກັນລະຫວ່າງປະຊາຊົນສອງຊາດ, ຈະມີຜົນສະທ້ອນຢ່າງຕັ້ງໜ້າຕໍ່ມິດຕະພາບອັນເປັນມູນເຊື້ອ.
ລັດຖະມົນຕີວັດທະນະທຳແລະລັດຖະມົນຕີຖະແຫລງຂ່າວມຽນມາກໍໄດ້ສົ່ງຄຳອວຍພອນສະແດງຄວາມປາຖະໜາເພີ່ມທະວີການຮ່ວມມືລະຫວ່າງສອງປະເທດໃນຂົງເຂດວັດທະນະທຳແລະຖະແຫຼງຂ່າວ.
|
|
|
