|
ຕາມຂ່າວສານຊິນຮວາ ວັນທີ 11 ມິຖຸນາ ຝ່າຍທະຫານຟິລິບປິນໄດ້ປະກາດວ່າຈະສົ່ງທະຫານໄປເພີ່ມຢູ່ເຂດໃຫຍ່ນະຄອນຫຼວງມານີລາ ເພື່ອເພີ່ມທະວີການປ້ອງກັນ ບໍ່ໃຫ້ພວກໂຄ່ນລົ້ມກໍ່ເລື່ອງ
ໃນຫຼາຍມື້ມານີ້ ກະແສັດອັດສຽງມ້ວນຫນຶ່ງທີ່ບັນທຶກຄວາມເວົ້າຂອງທ່ານນາງອາໂລໂຢ ປະທານາທິບໍດີຟິລິບປິນໄດ້ເຮັດໃຫ້ຟິລິບປິນເກີດເລື່ອງການເມືອງ ຕາມເວົ້າວ່າ ກະແສັດມ້ວນນີ້ໄດ້ບັນທຶກຫຼັກຖານຄຳໂອ້ລົມກັນຂອງທ່ານນາງອາໂລໂຢທີ່ຊື້ສຽງໂດຍລະເມີດຂໍ້ກຳນົດໃນໄລຍະເລືອກຕັ້ງປະທານາ ທິບໍດີເມື່ອເດືອນພຶດສະພາປີ 2004 ລັດຖະບານຟິລິບປິນໄດ້ປະຕິເສດຄຳຕິຕຽນດັ່ງກ່າວ ແຕ່ບຸກຄົນຕ້ານລັດຖະບານຂອງຟິລິບປິນບາງຄົນໄດ້ສວຍໃຊ້ກະແສັດມ້ວນນີ້ກໍ່ເລື່ອງກໍ່ລາວຢ່າງໃຫຍ່ ຈົນກະທັ້ງສະມາຊິກສະພາຝ່າຍຄ້ານບາງຄົນໄດ້ທວງໃຫ້ທ່ານນາງອາໂລໂຢລາອອກຈາກຕຳແຫນ່ງ
ພາຍໃຕ້ເບື້ອງຫຼັງດັ່ງກ່າວ ເພື່ອປ້ອງກັນບໍ່ໃຫ້ມີຄົນສ່ວນຫນຶ່ງກໍ່ເລື່ອງໃນໂອກາດຈັດການເຄື່ອນໄຫວສະຫຼອງວັນເອກະລາດແຫ່ງຊາດລັດຟິລິບປິນໃນວັນທີ12 ມິຖຸນາ ຝ່າຍທະຫານໄດ້ທຳການຕົກລົງສົ່ງທະຫານ ໄປເມືອງມານີລາຕື່ມ
|
