ຕາມ​ຂ່າວສານ​ຊິນ​ຮວາ  ວັນ​ທີ 14 ມິຖຸນາ  ທ່ານ​ພິ​ເທີ ພິ​ອົດ  ຜູ່​ອຳນວຍ​ການ​ໃຫຍ່ບໍລິຫານງານ​ຂອງສຳນັກງານ​ແຜນການ​ໂຣກ​ເອດ​ສ໌ອົງການ​ສະຫະ​ປະຊາ​ຊາດ​ທີ່​ພວມ​ຢ້ຽມຢາມ​ຢູ່​ທີ່​ປັກ​ກິ່ງ​ໄດ້​ມອບ​ລາງວັນ​ປະກອບສ່ວນ​ພິ​ເສດ​ໃນ​ການ​ປ້ອງ​ກັນ​​ແລະ​ປົວໂຣກ​ເອດ​ສ໌​​ໃຫ້​ທ່ານ​ກາວ​ສຽງ ລັດຖະມົນຕີ​ກະຊວງ​ສາທາ ລະນະ​ສຸກ​ແລະ​ທ່ານ​ນາງ​ເສີນ​​ເຈະ  ຮອງ​ຫົວຫນ້າ​ສູນ​ຄວບ​ຄຸມປ້ອງ​ກັນ​ພະຍາດ​ຈີນ

ໃນພິທີ​ມອບ​ລາງວັນ  ທ່ານ​ພິອົດກ່າວ​ວ່າ  ລັດຖະບານ​ຈີນມີ​ກຳ​ລັງ​ນຳພາ​ອັນ​ແຂງ​ແຮງ​ແລະນະ​ໂຍບາຍອັນ​ຈະ​ແຈ້ງ​ໃນ​ຂົງ​ເຂດ​ປ້ອງ​ກັນ​ແລະ​ປິ່ນປົວ​ໂຣກ​ເອດ​ສ໌  ​ໄດ້​ຮັບ​ການ​ຮັບຮອງ​ຈາກ​ສຳນັກງານ​ແຜນການ​ໂຣກ​ເອດ​ສ໌ຂອງ​ອົງການ​ສະຫະ​ປະຊາ​ຊາດ​ແລະ​ປະຊາ​ຄົມ​ໂລກ

 ມື້​ດຽວ​ກັນ ​ໃນ​ເວລາ​ທ່ານກາວ​ສຽງ​ພົບ​ປະ​ທ່ານ​ພິອົດ   ທ່ານ​ກ່າວ​ວ່າ ລັດຖະບານ​ຈີນ​ເອົາ​ໃຈ​ໃສ່​ໃນ​ລະດັບ​ສູງ​ຕໍ່​ວຽກ​ງານ​ປ້ອງ​ກັນ​ແລ​ະປິ່ນປົວ​ໂຣກ​ເອດ​ສ໌  ​ໄດ້​ວາງ​​ນະ​ໂຍບາຍ​ຫຼາຍ​ລາຍ​ເພື່ອ​ຄວບ​ຄຸມ​ການ​ແຜ່​ລະບາດຂອງ​ໂຣກ​ເອດ​ສ໌  ຈີນ​ຍິນ​ດີບຸກ​ເບີກແລະ​ລົງ​ເລິກ​ຂົງ​ເຂດ​ຮ່ວມ​ມືກັນກັບ​ອົງການ​ສະຫະ​ປະຊາ​ຊາດ​ແລະ​ອົງການ​ສາກົນ​ອື່ນໆ ນີ້​ບໍ່​ພຽງ​ແຕ່​ຈະຊຸກຍູ້​​​ການປ້ອງ​ກັນ​ແລະປິ່ນປົວ​ໂຣກ​ເອດ​ສ໌ຢູ່​ຈີນທໍ່​ນັ້ນ ​ແລະ​ກໍ່​ປະກອບສ່ວນ​​​ເຂົ້າ​ໃນ​ການ​ປ້ອງ​ກັນ​ແລະ​ປິ່ນປົວ​ໂຣກ​ເອດ​ສ໌​ຂອງ​ທົ່ວ​ໂລກ