ຕາມ​ຂ່າວ CRI   ວັນ​ທີ 15 ມິຖຸນາ  ຢູ່​ທີ່​ພຽງ​ຢາງ ຄະນະຜູ່​ແທນ​ສ.ປ.ປ​ເກົາຫຼີ​​ແລະສ.​ເກົາຫຼີ​ທີ່ນຳ​ໂດຍ​ທ່ານ​ກິມກີ​ນາມ  ຮອງ​ປະທານ​ຄະນະ​ກຳມະການ​ໂຮມ​ປະ​ເທດ​ຊາດ​ເຂົ້າ​ເປັນ​ເອກະ​ພາບ​ກັນ​ຂອງ​ສ.ປ.ປ​ເກົາຫຼີ​ແລະທ່ານ​​ເຈິ​ງດົງຢົງ  ລັດຖະມົນຕີ​ກະຊວງ​​​ໂຮມ​ເຂົ້າ​ເປັນ​ເອກະ​ພາບ​ຂອງສ.​ເກົາຫຼີ​ໄດ້​ຈັດການ​ເຄື່ອນ​ໄຫວທີ່​ລັດຖະບານ​ສອງ​ປະ​ເທດ​​ຮ່ວມ​ກັນລະ​ລຶກວັນ​ຜູ່​ນຳສຸດ​ຍອດຂອງ​ສ.ປ.​ປ​ເກົາຫຼີ​​ແລະສ.​ເກົາຫຼີ​ພົບ​ປະກັນຄົບຮອບ 5 ປີ

 ໃນ​ການ​ປະກອບ​ຄຳ​ຄິດ​ຄຳ​ເຫັນ​ທີ່​ມີ​​ເນື້ອ​ໃນ​ພື້ນຖານ   ທ່ານ​ກິມກີ​ນາມ​ແລະ​ທ່ານ​ເຈີງ​ດົງຢົງ​ໄດ້​ຕີ​ລາຄາ​ສູງ​ຕໍ່​ການ​ພົບ​ປະລະ​ຫວ່າງ​ຜູ່​ນຳ​ສຸດ​ຍອດ​ຂອງສ.ປ.ປ​ເກົາຫຼີ​​ແລະສ.​ເກົາຫຼີ​ໃນ​ປີ 2000  ​ແລະ​ການ​ປະກອບສ່ວນ​ຂອງຄຳ​ຖະ​ແຫຼ​ງການ​ຮ່ວມ​ເຫນືອ​ໃຕ້​​ເພື່ອ​ລົບ​ລ້າງ​ຄວາມ​​ເປັນ​ປໍ​ລະ​ປັກ​ກັນ​ກັບ​ຄວາມ​​ເຫີ​ນຫ່າງ​ກັນລະຫວ່າງ​ເຫນືອ​ໃຕ້  ​ເພີ່ມ​ຄວາມ​ຖືກຕ້ອງ​ປອງ​ດອງ​ກັນ​ແລະ​ສາມັກ​ຄີ​ກັນ

  ນອກ​ນີ້ ຂ່າວ​ແຈ້ງວ່າ ຕອນ​ເຊົ້າ​ມື້​ດຽວ​ກັນ  ຄະນະ​ຜູ່​ແທນ​ສ.ປ.​ປ​ເກົາຫຼີ ​ແລະສ.​ເກົາຫຼີ​​ແລະມວນ​ຊົນຢູ່​ຕ່າງປະ​ເທດ​ໄດ້​ຈັດ​ກອງ​ປະຊຸມ​ໂຮມ​ປະ​ເທດ​ຊາດ​​ໃຫ້ເປັນ​ເອກະ​ພາບ​ກັນ​ຢູ່​ທີ່​ພຽງ​ຢາງ  ລະ​ລຶກວັນຜູ່​ນຳ​ສຸດ​ຍອດ​ສ.ປ.ປ​ເກົາຫຼີ​​ແລະສ.​ເກົາຫຼີ​ພົບ​ປະກັນຄົບຮອບ 5 ປີ