|
ຕາມຂ່າວCRI ວັນທີ 15 ມິຖຸນາ ທ່ານເຈິ່ງເຜີຍອຽນ ຮອງນາຍົກລັດຖະມົນຕີຈີນທີ່ເຂົ້າຮ່ວມກອງປະຊຸມສຸດຍອດພາກໃຕ້ຄັ້ງທີ 2ຂອງ ກຸ່ມ 77 ປະເທດບວກຈີນຢູ່ໂດຮາ ນະຄອນຫຼວງກາຕາໄດ້ປະກອບຄຳຄິດຄຳເຫັນໂດຍຢ້ຳຄືນໃນກອງປະຊຸມວ່າ ຈີນສະຫນັບສະຫນູນການເພີ່ມທະວີການຮ່ວມມືກັນໃຕ້ໃຕ້ ຍິນດີຊຸກຍູ້ໃຫ້ເຫນືອໃຕ້ສົນທະນາກັນ ແລະຍິນດີພ້ອມກັນກັບປະເທດພາກໃຕ້ຮ່ວມກັນເລີ່ມສ້າງອະນາຄົດທີ່ດີງາມຂອງປະເທດພວມພັດທະນາ.
ທ່ານເຈິ່ງເຜີຍອຽນຕາງຫນ້າລັດຖະບານຈີນສະເຫນີຂໍ້ສະຫນີ 4 ຂໍ້ກ່ຽວກັບການຮ່ວມມືໃຕ້ໃຕ້ແລະການສົນທະນາກັນເຫນືອໃຕ້ ຄືຫນຶ່ງ ເພີ່ມຄວາມສາມັກຄີກັນລະຫວ່າງປະເທດພາກໃຕ້ ເພີ່ມສິດເຂົ້າຮ່ວມ ສິດປະກອບຄຳຄິດຄຳເຫັນແລະອິດທິພົນໃນອົງການຈັດຕັ້ງສາກົນເຊັ່ນອົງການສະຫະປະຊາຊາດເປັນຕົ້ນ ສອງ ລົງເລິກການຮ່ວມມືກັນດ້ານເສດຖະກິດເຕັກນິກຂອງໃຕ້ໃຕ້ ຊອກຄົ້ນສ້າງກົນໄກຮ່ວມກັນຕ້ານຄວາມສ່ຽງຊະນິດຕ່າງໆ ສາມ ເພີ່ມທະວີຄວາມສາມາດໃນການພັດທະນາຕົນເອງ ກຳນົກເສັ້ນທາງພັດທະນາທີ່ສອດຄ່ອງກັບສະພາບແຫ່ງຊາດຂອງໃຜບາວ ສີ່ ຊຸກຍູ້ການສົນທະນາແລະຮ່ວມມືກັນລະຫວ່າງເຫນືອໃຕ້ ຊຸກຍູ້ໃຫ້ເສດຖະກິດທົ່ວໂລກຂະຫຍາຍຕົວອອກຢ່າງປາດໃສ.
ທ່ານເຈິ່ງເຜີຍອຽນສະແດງຄວາມຂອບໃຈນຳປະເທດພວມພັດທະນາອັນໄພສານທີ່ສະຫນັບສະຫນູນລັດຖະບານຈີນໃນເວລາດົນນານມານີ້ ທ່ານຊົມເຊີຍຜູ່ນຳແລະນັກທຸລະກິດທີ່ຮ່ວມປະຊຸມມາເຂົ້າຮ່ວມເວທີປາໄສການຄ້າແລະຮ່ວມມືໃຕ້ໃຕ້ຄັ້ງປະຖົມມະເລີກທີ່ຕົກລົງຈະຈັດຂຶ້ນໃນທ້າຍປີນີ້ຢູ່ປັກກິ່ງ
ວັນທີ 15 ມີຖຸນາ,ທ່ານເຈີນເພີນຢານພົບປະນາຍົກລັດຖະມົນຕີຢາມາຍກາ
ທ່ານເຈີນເພີຍຢານພົບປະຮອງປະທານາທິບໍດີຜູ້ທີໜຶ່ງຂອງອັຟການີສະຖານ
ທ່ານເຈີນເພີຍຢານພົບປະລັດຖະມົນຕີການຕ່າງປະເທດປາກີສະຖານ
|
