|
ນັກຮຽນແລະຄູທີ່ຖືກຈີ້ຢູ່ເມືອງຊຽມລຽບກຳປູເຈຍໄດ້ຖືກປ່ອຍຕົວສ່ວນໜຶ່ງ
cri
Author: mo
ຕາມຂ່າວສານຊີນຮວາ: ວັນທີ 16 ມິຖຸນາ, ຢູ່ພະນົມເປັນ, ທ່ານຄຽວ ການາລັດ ໂຄສົກລັດຖະບານກຳປູເຈຍກ່າວວ່າ, ຄົນຮ້າຍບັງໜ້າໄດ້ປ່ອຍຄູແລະນັກຮຽນ20 ກວ່າຄົນທີ່ຖືກຈີ້ຢູ່ໂຮງຮຽນສາກົນເອກະຊົນແຫ່ງໜຶ່ງໃນນະຄອນຊຽມລຽບກຳປູເຈຍໃນຕອນເຊົ້າວັນທີ 16 , ປັດຈຸບັນ, ຍັງມີຄູແລະນັກຮຽນປະມານ 40 ຄົນຖືກຈື້ຕົວຢູ່ໃນໂຮງຮຽນ, ຕຳຫລວດກຳປູເຈຍໄດ້ປິດອ້ອມໂຮງຮຽນດັ່ງກ່າວ.
ຕາມສະເໜີວ່າ, ປະມານ 9 ໂມງເຄິ່ງຕອນເຊົ້າວັນທີ 16 ມິຖຸນາ, ຄົນຮ້າຍບັງໜ້າທີ່ປະກອບອາວຸດ 6 ຄົນໄດ້ບຸກເຂົ້າໂຮງຮຽນສາກົນເອກະຊົນແຫ່ງໜຶ່ງໃນເມືອງຊຽມລຽບ, ທັງກັກຂັງຄູແລະນັກຮຽນປະມານ 70 ຄົນເປັນຕົວປະກັນ. ຄົນຮ້າຍທວງໃຫ້ອົງການປົກຄອງສະໜອງອາວຸດຈຳນວນໜຶ່ງແລະລົດຕູ້ຄັນໜຶ່ງ, ກ່າວວ່າ, ຖ້າບໍ່ຕອບສະໜອງຄວາມຮຽກຮ້ອງແລ້ວ, ພວກເຂົາເຈົ້າຈະຂ້າຕົວປະກັນຕາຍ. ປັດຈຸບັນ, ມີຕົວປະກັນ 20 ກວ່າຄົນໄດ້ຖືກປ່ອຍຕົວແລ້ວ. ຖະນະຄົນຮ້າຍປະກອບອາວຸດເຫຼົ່ານີ້ຍັງບໍ່ຮູ້ເທື່ອ. ຕຳຫລວດແລະຄົນຮ້າຍຍັງຢູ່ໃນສະພາວະເປັນປໍລະປັກກັນ, ບໍ່ມີການລາຍງານວ່າມີຄົນຕາຍແລະບາດເຈັບ.
ວັນທີ 16 ມິຖຸນາ, ຜູ້ປ້ອງກັນຄວາມປອດໄພກຳປູເຈຍປ້ອງກັນຢູ່ປະຕູໂຮງຮຽນສາກົນເອກະຊົນທີ່ເກີດເຫດການຈີ້ຕົວ.
1 2 3 4 5
|
|
