ຕາມຂ່າວສານຊິນຮວາ: ວັນທີ 16 ມິຖຸນາ ທ່ານຮຸນແຊນ ນາຍົກລັດຖະມົນຕີກຳປູເຈຍໄດ້ໃຫ້ສຳພາດວ່າ,ເຫດການຈີ້ຕົວປະກັນທີ່ເກີດຂຶ້ນຢູ່ໂຮງຮຽນສາກົນສ່ວນຕົວໃນເມືອງຊຽມລຽບ ເມືອງທ່ອງທ່ຽວພາກຕາເວັນຕົກສຽງເໜືອຂອງກຳປູເຈຍໃນວັນທີ 16 ມິຖຸນານັ້ນແມ່ນຄະດີອາຍາບໍ່ມີສ່ວນກ່ຽວຂ້ອງກັບອົງການກໍ່ການຮ້າຍສາກົນ. ທ່ານຮຽກຮ້ອງໃຫ້ພະແນກທີ່ກ່ຽວຂ້ອງເພີ່ມຄວາມແຮງຄວບຄຸມຄວາມສະຫງົບທາງສັງຄົມ.
ຕອນເຊົ້າວັນທີ 16 ມິຖຸນາ ພວກຈໍລະຈັດ 4 ຄົນໄດ້ບຸກເຂົ້າໂຮງຮຽນສາກົນສ່ວນຕົວຫຼັງໜຶ່ງຢູ່ເມືອງຊຽມລຽບ,ຈັບເອົາຄູແລະນັກຮຽນປະມານ 70 ຄົນເປັນຕົວປະກັນ. ເຫດການນີ້ໄດ້ສືບເນື່ອງ 5 ຊົ່ວໂມງປາຍ,ຈໍລະຈັດ 4 ຄົນນີ້ຖືກຈັບໝົດ,ແຕ່ເດັກຊາຍການາດາຜູ້ໜຶ່ງຖືກພວກຈໍລະຈັດຂ້າຕາຍ.
1 2 3 4 5 6 7 8
|
