ຕາມ​ຂ່າວຈາກເວັບ​ໄຊຊິນ​ຮວາ: ວັນ​ທີ 29 ມິຖຸນາ​ນີ້ ໜ່ວຍ​ຜູ່​ຊ່ຽວຊານ​ອົງການ​ອະນາ​ໄມ​ໂລກ​ທີ່​ໄປ​ເຮັດ​ວຽກ​ຢູ່​ຫວຽດນາມ​ໄດ້​ອອກ​ປະກາດ​ແຈ້ງ​ຂ່າວ​ວ່າ, ​ໃນ​ສະ​ເພາະ​ໜ້າ​ນີ້ ຍັງ​ບໍ່​ໄດ້​ປະ​ກົດ​ເຫັນ​ມີ​ວີ​ແວວ​ເຊື້ອ​ໂຣກໄຂ້ຫວັດ​ສາດ​ປີກ​ແບບ H5N1 ​ແຜ່​ລະບາດ​ເປີດ​ກວ້າງ​ອອກ​ໃນ​ຝຸງ​ຄົນ​ທ້ອງ​ຖິ່ນນັ້ນ.

ຜູ່​ຊ່ຽວຊານ​ອົງການ​ອະນາ​ໄມ​ໂລກ​ກ່າວ​ວ່າ, ພວກ​ທ່ານ​ໄດ້​ວິ​ເຄາະ​ເອກະສານ​ໄຂ້​ຫວັດ​ສັດ​ປີກ​ຫຼ້າສຸດ​ຂອງ​ທ້ອງ​ຖິ່ນ, ​ແລະ​ບໍ່​ໄດ້​ປະກົດເຫັນ​ມີ​ຄວາມອັນຕະ​ລາຍ​ຫຼາຍ​ກວ່າ​ເກົ່າ​ທີ່​ເຊື້ອ​ໂຣກ​ໄຂ້ຫວັດ​ສັດ​ປີກ​ລະບາດ​ໃຫ້​ຝຸງຄົນ​ຈາກ​ສັດ​ປີກ, ກໍ່​ບໍ່​​ໄດ້ປະກົດ​ເຫັນ​ມີ​ຄວາມ​ອັນ​ຕະ​ລາຍ​ຫຼາຍ​ກວ່າ​ເກົ່າ​ທີ່​ເຊື້ອ​ໂຣກ​ແຜ່​ລະບາດ​ຢູ່​ລະຫວ່າງ​ຄົນ. ​ແຕ່​ໜ່ວຍ​ຜູ່​ຊ່ຽວຊານ​ຍັງ​ກ່າວ​ວ່າ, ຍ້ອນ​ເຊື້ອ​ໂຣກໄຂ້ຫວັດ​ສັດ​ປີກ​ມີ​ການປ່ຽນ​ແປງ​ເລື້ອຍໆ, ຫວຽດນາມ​ແລະ​ປະ​ເທດ​ອື່ນໆ​ໃນ​ໂລກ​ຍັງ​ຕ້ອງ​ຮັກ​ສາ​ສະຕິ​ລະວັງ​ຕົວ​ໃນ​ລະດັບ​ສູງ​ຕໍ່​ພະຍາດ​ໄຂ້ຫວັດ​ສັດ​ປີກ.