ຕາມ​ຂ່າວ CRI: ວັນ​ທີ 3 ກໍລະກົດ ຢູ່​ເມືອງ​ໂນ​ໂວ​ຊີ​ເບີສຄ໌,​ທ່ານ​ຫູ​ຈິນທາວ ປະ​ທານ​ປະ​ເທດ​ຈີນ​ທີ່​ພວມ​ຢ້ຽມ​ຢາມ​ຣັດ​ເຊຍ​ທາງ​ລັດ​ຖະ​ກິດ​ໄດ້​ສົນ​ທະ​ນາ​ກັບ​ຜູ້​ຮັບ​ຜິດ​ຊອບ​ເຂດ​ສະ​ຫະ​ພັນ​ຊີ​ເບ​ລີ,​ໄດ້​ວາງ​ຂໍ້​ສະ​ເໜີ​ແລະ​ເຈດ​ຈຳ​ນົງ​ກ່ຽວ​ກັບ​ການ​ເພີ່ມ​ທະ​ວີ​ການ​ຮ່ວມ​ມື​ລະ​ຫວ່າງ​ທ້ອງ​ຖິ່ນ​ຂອງ​ສອງ​ປະ​ເທດ​ຈີນ​ຣັດ​ເຊຍ.

ທ່ານ​ຫູ​ຈິນທາວ​ເວົ້າວ່າ,ລັດຖະບານ​ຈີນ​ຕັ້ງໜ້າ​ຊຸກ​ຍູ້​ໃຫ້​ທ້ອງ​ຖິ່ນ​ສອງ​ປະ​ເທດ​​ຮ່ວມ​ມື​ກັນໃນຫຼາຍ​ຂົງ​ເຂດ,ສົ່ງ​ເສີມ​ໃຫ້​ສອງ​ຝ່າຍ​ເພີ່ມ​ທະວີ​ການ​ໄປມາ​ຫາ​ສູ່​ກັນ​ດ້ານ​ບຸກຄະລາ​ກອນ,​ຈຸດປະສົງ​ກໍ​ແມ່ນ​​ເພື່ອເສີມ​ຂະຫຍາຍ​ທ່າ​ແຮງ​ຂອງ​​ໃຜລາວ,ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍດ,​ເພີ່​ມ​ຄວາມ​ເຂົ້າ​ໃຈ​ກັນ​ແລະ​ມິດຕະພາບ​ຕໍ່​ກັນ,​ໃຫ້​ພັດທະນາ​ແລະ​ຈະ​ເລີນຮຸ່ງ​ເຮືອງນຳ​ກັນ. ທ່ານ​ຫູ​ຈິນທາວ​ຍັງ​ໄດ້​ວາງ​ຂໍ້​ສະ​ເໜີ 4 ຂໍ້​ເຊັ່ນ​ເສີມ​ຂະຫຍາຍ​ທ່າ​ແຮງ​ຂອງ​ໃຜລາວ,​ເພີ່ມ​ທະວີ​ການ​ຕິດ​ຕໍ່​ພົວພັນ​ກັນ,​ເປີດ​ກວ້າງ​ຂົງ​ເຂດ​ຮ່ວມ​ມື​ແລະ​ເປີດ​ກວ້າງ​ຕະຫຼາດ​ທີ່​ໄຂ​ຕໍ່​ພາຍ​ນອກ​ເປັນຕົ້ນ.

ໃນ​ການ​ເຈລະຈາ ຜູ້​ຮັບຜິດ​ຊອບ​ເຂດ​ສະຫະພັນ​ຊີ​ເບ​ລີ​ແລ​ະຜູ້ນຳ​ແຂວງ​ເຮີ​ລົງ​ຈຽງ​ແລະ​ເຂດ​ມົງ​ໂກ​ໃນ​ປົກຄອງ​ຕົນ​ເອງ​ຂອງ​ຈີນ​ຕ່າງ​ໄດ້​ແນະນຳ​ໝາກຜົນ​ໃໝ່​ທີ່​ຝ່າຍ​ທ້ອງ​ຖິ່ນ​ຂອງ​ສອງ​ປະ​ເທດ​ໄດ້​ຮັບ​ໃນ​ການ​ຮ່ວມ​ມື​ໃນຫຼາຍປີ​ມາ​ນີ້,​ໄດ້​ສະ​ແດງ​ຄວາມ​ປາຖະໜາ​​ອັນແຮງ​ກ້າທີ່​ຢາກ​ຮ່ວມ​ມື​ກັນ,​ແລະ​ໄດ້​ວາງ​ຂໍ້​ສະ​ເໜີ​ຮ່ວມ​ມືຫຼາຍຂໍ້.