|
ທ່ານຫູຈິນທາວສິ້ນສຸດການຢ້ຽມຢາມຣັດເຊຍ,ຈີນຣັດເຊຍອອກປະກາດແຈ້ງການຮ່ວມ
cri
Author: li
ຕາມຂ່າວ CRI: ວັນທີ 3 ກໍລະກົດ ທ່ານຫູຈິນທາວ ປະທານປະເທດຈີນໄດ້ສິ້ນສຸດການຢ້ຽມຢາມຣັດເຊຍທາງລັດຖະກິດ,ແລ້ວເດີນທາງໄປຢ້ຽມຢາມກາຊັກສະຕັງທາງລັດຖະກິດ. ກ່ອນອອກຈາກຣັດເຊຍ,ຈີນຣັດເຊຍໄດ້ອອກ"ປະກາດແຈ້ງການຮ່ວມຈີນຣັດເຊຍ".
"ປະກາດແຈ້ງການຮ່ວມຈີນຣັດເຊຍ"ໄດ້ສະຫຼຸບໝາກຜົນຂະຫຍາຍຕົວຂອງການພົວພັນຈີນຣັດເຊຍແຕ່ປະມຸກລັດສອງປະເທດພົບປະກັນໃນເດືອນຕຸລາປີກາຍເປັນຕົ້ນມາ,ໄດ້ບັນລະຍາຍຄວາມຮັບຮູ້ທີ່ຄືກັນຢ່າງກວ້າງຂວາງລະຫວ່າງຈີນກັບຣັດເຊຍກ່ຽວກັບບັນຫາສາກົນທີ່ສຳຄັນແລະວຽກງານພາກພື້ນ,ພ້ອມດ້ວຍໝາກຜົນຕົວຈິງທີ່ສຳຄັນທີ່ທ່ານຫູຈິນທາວໄດ້ຮັບໃນການຢ້ຽມຢາມຣັດເຊຍເທື່ອນີ້.
ປະກາດແຈ້ງການຂຽນວ່າ,ຣັດເຊຍຍຶດໝັ້ນຫຼັກການຈີນດຽວ,ຄັດຄ້ານໄຕ້ຫວັນເຂົ້າຮ່ວມອົງການສະຫະປະຊາຊາດແລະອົງການຈັດຕັ້ງສາກົນອື່ນໆທີ່ມີແຕ່ປະເທດອະທິປະໄຕຈຶ່ງເຂົ້າຮ່ວມໄດ້,ບໍ່ຂາຍອາວຸດໃຫ້ໄຕ້ຫວັນ. ຝ່າຍຈີນກ່າວລື້ມວ່າ,ເດັດດ່ຽວສະໜັບສະໜຸນຄວາມພະຍາຍາມຂອງຣັດເຊຍໃນການຮັກສາອະທິປະໄຕແລະຄວາມເປັນເອກະພາບຂອງຊາດ,ໂຈວຕີລັດທິແບ່ງແຍກແລະລັດທິກໍ່ການຮ້າຍ.
ຈີນຣັດເຊຍກ່າວລື້ມວ່າ,ຍຶດໝັ້ນເປົ້າໝາຍທີ່ໃຫ້ແຫຼມເກົາຫຼີປອດນິວເຄຼຍ,ກ່າວເນັ້ນວ່າ,ອົງການສະຫະປະຊາຊາດມີບົດບາດສຳຄັນທີ່ບໍ່ມີໃຜເຂົ້າແທນໄດ້ໃນການປົກປັກຮັກສາສັນຕິພາບແລະຄວາມປອດໄພຂອງໂລກ.
|
|
