|
|
 |
| (GMT+08:00)
2005-07-03 20:11:58
|
 |
|
ທ່ານຫູຈິນທາວເລີ່ມຢ້ຽມຢາມກາຊັກສະຕັງທາງລັດຖະກິດ
cri
Author: li
ຕາມຂ່າວ CRI: ໂດຍຕອບສະໜອງຄຳເຊີນຂອງທ່ານນາຈາບາເຢັຟ ປະທານາທິບໍດີກາຊັກສະຕັງ,ຕອນຄ່ຳວັນທີ 3 ກໍລະກົດ ເວລາທ້ອງຖິ່ນ ທ່ານຫູຈິນທາວ ປະທານປະເທດຈີນໄດ້ເດີນທາງໄປຮອດອັສທານາ ນະຄອນຫຼວງກາຊັກສະຕັງ,ເລີ່ມຢ້ຽມຢາມກາຊັກສະຕັງທາງລັດຖະກິດ,ແລະຈະເຂົ້າຮ່ວມກອງປະຊຸມປະມຸກລັດຂອງອົງການຮ່ວມມືຊຽງໄຮ້ທີ່ໄຂຂຶ້ນຢູ່ອັສທານາ.
ຫຼັງຈາກເດີນທາງໄປຮອດເດີ່ນຍົນແລ້ວ,ທ່ານໄດ້ກ່າວຄຳປາໄສທາງລາຍລັກອັກສອນວ່າ,ຄວາມຈິງພິສູດໃຫ້ເຫັນວ່າ,ການເພີ່ມທະວີໄມຕີຈິດຖານບ້ານໃກ້ເຮືອນຄຽງແລະການຮ່ວມມືທີ່ຕ່າງຝ່າຍຕ່າງມີຜົນປະໂຫຍດລະຫວ່າງຈີນກັບກາຊັກສະຕັງສອດຄ່ອງກັບຜົນປະໂຫຍດກົກຮາກຂອງປະຊາຊົນສອງປະເທດ. ທ່ານກ່າວວ່າ,ຈຸດປະສົງຂອງການຢ້ຽມຢາມຂອງທ່ານເທື່ອນີ້ກໍແມ່ນເພີ່ມຄວາມໄວ້ເນື້ອເຊື່ອໃຈກັນແລະເຮັດໃຫ້ການຮ່ວມມືລົງສູ່ລວງເລິກ.
ໃນໄລຍະເຂົ້າຮ່ວມກອງປະຊຸມປະມັກລັດອົງການຮ່ວມມືຊຽງໄຮ້,ທ່ານຫູຈິນທາວຈະປຶກສາຫາລືກັບປະມຸກລັດຂອງປະເທດພາຄີອື່ນໆຂອງອົງການດັ່ງກ່າວກ່ຽວກັບສະຖານະການຂອງພາກພື້ນອາຊີກາງໃນສະເພາະໜ້າ,ແລະກ່າວຄຳປາໄສ,ສະເໜີເຈດຈຳນົງພື້ນຖານແລະຂໍ້ສະເໜີລະອຽດຂອງຈີນກ່ຽວກັບການເຮັດໃຫ້ການຮ່ວມມືຂອງພາກພື້ນອາຊີກາງໃນຂົງເຂດຄວາມປອດໄພ,ເສດຖະກິດແລະວັດທະນະທຳເປັນຕົ້ນໃຫ້ລົງສູ່ລວງເລິກ.
|
|
|
