ຕາມ​ຂ່າວCRI: ວັນ​ທີ 8 ກໍລະກົດ, ສະ​ມາ​ຊິກ​ຄະ​ນະ​ລັດ​ຖະ​ບານ​ຟີ​ລິບ​ປີນ10ຄົນ​ໄດ້​ລາ​ອອກ​ຈາກ​ຕຳ​ແໜ່​ງ​ດ້ວຍ​ເຫດຜົນ​ປະ​ທາ​ນາ​ທິ​ບໍ​ດີ​ໄດ້​ເສຍ​ຄວາມ​ສາ​ມາດ​ນຳ​ພາ. ພວກ​ເຂົາ​ເຈົ້າ​ພ້ອມ​ກັນຮຽກຮ້ອງໃຫ້​ທ່ານ​ນາງ​ປະ​ທາ​ນາ​ທິ​ບໍ​ດີ​ອາ​ໂລ​​ໂຢ​ລາ​ອອກ​ຈາກ​ຕຳ​ແໜ່​ງ.

​ໃນ​​ຄະນະ​ລັດຖະບານມີ​ສະມາຊິກ24​ຄົນ​ນັ້ນ, ມີ10​ຄົນປະກາດ​ລາ​ອອກ​ຈາກ​ຕຳ​ແໜ່ງ​ລັດຖະມົນຕີ​ໃນ​ນັ້ນ​ມີ: ລັດຖະມັນ​ຕີ​ການ​ເງິນ ລັດຖະມົນຕີ​ງົບປະມານ​ແລະ​ຄຸ້ມ​ຄອງ ລັດຖະມົນຕີ​ການ​ຄ້າ​ແລະ​​ອຸດສາຫະກຳ​ເປັນ​ຕົ້ນ.

ຕອນ​ຄ່ຳ​ວັນ​ທີ 7 ກໍລະກົດ, ທ່ານ​ນາງ​ອາ​ໂລ​ໂຢ ​ປະກາດ​ວ່າ, ​​ເພິ່ງ​ໄດ້​ທວງໃຫ້​ສະມາຊິກ​ຄະນະ​ລັດຖະບານ​ທຸກ​ຄົນ​ເປັນ​ເຈົ້າ​ການ​ລາ​ອອກ​ຈາກ​ຕຳ​ແໜ່​ງ​, ​ເພື່ອ​ສ້າງ​ພື້ນຖານ​ໃຫ້​ແກ່​ການ​ປັບປຸງ​ລັດຖະບານ​ຄືນ​ໃໝ່, ​ແຕ່​ສ່ວນ​ທ່ານ​ນາງ​ເອງ​ຈະບໍ່ລາ​ອອກ​ຈາກ​ຕຳ​ແໜ່​ງ.