|
ຕາມຂ່າວສານຊິນຮວາ ວັນທີ 7 ກໍລະກົດ ໂຄສົກກະຊວງການຕ່າງປະເທດຫວຽດນາມກ່າວວ່າ ການເຈລະຈາກ່ຽວກັບການເຂົ້າຮ່ວມອົງການການຄ້າໂລກລະຫວ່າງຫຼາຍປະເທດຄືຫວຽດນາມກັບອາເມລິກາແລະຈີນເປັນຕົ້ນໄດ້ມີການຄືບຫນ້າຢ່າງເດັ່ນຊັດ ຫວຽດນາມຈະຍາດແຍ່ງໃຫ້ກາຍເປັນປະເທດສະມາຊິກຂອງອົງການການຄ້າໂລກກ່ອນທ້າຍປີນີ້
ໃນງານຖະແຫຼງຂ່າວທີ່ຈັດຂຶ້ນເປັນປະຈຳໃນວັນທີ 7ກໍລະກົດ ໂຄສົກກະຊວງການຕ່າງປະເທດຫວຽດນາມກ່າວວ່າ ໃນໄລຍະທີ່ທ່ານຟານວັນຂ້າຍຢ້ຽມຢາມອາເມລິກາຫວ່າງມໍ່ໆນີ້ ຝ່າຍອາເມລິກາໄດ້ກ່າວຢ່າງຈະແຈ້ງວ່າຖືທ່າທີສະຫນັບສະຫນູນຫວຽດນາມເຂົ້າຮ່ວມອົງການການຄ້າໂລກ
ນັບມາຮອດປະຈຸບັນ ຫວຽດນາມກັບສະຫະພາບເອີລົບ ກູບາ ອັກຊັງຕີນ ເບຼຊິນ ຈີເລ ສິງກະໂປ ອຸຍລຸຍກວາຍ ສ.ເກົາຫຼີແລະຍີ່ປຸ່ນໄດ້ສຳເລັດການເຈລະຈາຫຼາຍຝ່າຍຫຼືສອງຝ່າຍກ່ຽວກັບການເຂົ້າຮ່ວມອົງການການຄ້າໂລກແລ້ວ
|
