|
|
 |
| (GMT+08:00)
2005-07-08 17:04:55
|
 |
|
ທ່ານຫູຈີນທາວແຍກອອກພົບປະຜູ້ນຳຂອງອາເມລິກາ ຝຣັ່ງແລະເຢຍລະມັນ
cri
Author: da
ຕາມຂ່າວCRI: ຕອນບ່າຍວັນທີ 7 ກໍລະກົດ ໃນເວລາເຂົ້າຮ່ວມກອງປະຊຸມສົນທະນາ 8 ບອກ 5 ຢູ່ເກຼັນອີເກີສ໌ຂອງສະກອດແລນອັງກິດ ທ່ານຫູຈີນທາວ ປະທານປະເທດຈີນໄດ້ແຍກອອກພົບປະທ່ານບຸສປະທານາທິບໍດີອາເມລິກາ ທ່ານຊີຣັກປະທານາທິບໍດີຝຣັ່ງແລະທ່ານສໂລເຕີ ນາຍົກລັດຖະມົນຕີເຢຍລະມັນ.
ໃນເວລາພົບປະທ່ານຊີຣັກ ທ່ານຫູຈີນທາວເວົ້າວ່າ,ຈີນກັບຝຣັ່ງມີການແລກປ່ຽນແລະການປະສານງານທີ່ດີໃນບັນຫາສາກົນແລະພາກພື້ນທີ່ສຳຄັນ.ທ່ານຫວັງໃຫ້ຝຣັ່ງສືບຕໍ່ເສີມຂະຫຍາຍອິດທິພົນອັນຕັ້ງໜ້າ,ຊຸກຍູ້ສະຫະພາບເອີລົບຍົກເລີກຄ່ຳສັ່ງເກືອດຫ້າມຂາຍອາວຸດໃຫ້ຈີນໂດຍໄວແລະຮັບຮອງຖານະເສດຖະກິດຕະຫຼາດສົມບູນຂອງຈີນ.
ໃນເວລາພົບປະທ່ານສໂລເຕີ,ທ່ານຫູຈີນທາວເວົ້າວ່າ,ແຕ່ສົງຄາມໂລກຄັ້ງທີ 2 ສິ້ນສຸດລົງເປັນຕົ້ນມາ,ຝ່າຍເຢຍລະມັນໄດ້ຍຶດໝັ້ນເດີນຕາມເສັ້ນທາງພັດທະນາໂດຍສັນຕິຕະຫຼອດມາ,ເປັນກຳລັງສຳຄັນໃນການປົກປັກຮັກສາສັນຕິພາບແລະສະຖຽນລະພາບຂອງພາກພື້ນແລະຂອງໂລກ.ຝ່າຍຈີນຍິນດີພ້ອມກັນກັບຝ່າຍເຢຍລະມັນ,ຊຸກຍູ້ການພົວພັນລະຫວ່າງຈີນເຢຍລະມັນຂະຫຍາຍໄປໜ້າຕື່ມອີກ.
ທ່ານສໂລເຕີເວົ້າວ່າ,ຝ່າຍເຢຍລະມັນຍິນດີພ້ອມກັບຝ່າຍຈີນເພີ່ມທະວີການຮ່ວມມືໃນຂົງເຂດພະລັງງານ,ພ້ອມກັນຊຸກຍູ້ການພັດທະນາເສດຖະກິດກັບປະຊາກອນ ຊັບພະຍາກອນແລະສິ່ງແວດລ້ອມກົມກຽວກັນ.
ໃນການພົບປະ ທ່ານຫູຈີນທາວກັບທ່ານບຸສໄດ້ແລກປ່ຽນຄວາມເຫັນກ່ຽວກັບການພົວພັນລະຫວ່າງຈີນອາເມລິກາບັນຫາສາກົນແລະພາກພື້ນທີ່ສົນໃຈນຳກັນ.
|
|
|
