|
ຕາມຂ່າວສານຊິນຮວາ,ວັນທີ 14 ກໍລະກົດ,ທ່ານຊາລອນ ນາຍົກລັດ ຖະມົນຕີອິສລາແອນກ່າວວ່າ,ຖ້າຝ່າຍປາເລັສຕີນສາມາດສະກັດກັ້ນການຫຼອນໂຈມຕີທີ່ຄັດຄ້ານອິສລາແອນຢ່າງເຖິງຖອງຫຼັງຈາກອິສລາແອນສຳເລັດການເຄື່ອນໄຫວຖອນທະຫານແຕ່ຝ່າຍດຽວແລ້ວ,ທ່ານກໍກຽມຈະປະຕິບັດແຜນການເສັ້ນທາງສັນຕິພາບຕາເວັນອອກກາງ.
ຕາມຫນັງສືພິມຮາອາເລັສອິສລາແອນລາຍງານວ່າ,ວັນທີ 14 ກໍລະກົດ,ໃນເວລາທ່ານຊາລອນຍັງກ່າວຄຳປາໄສຕໍ່ກອງທະຫານຕຳຫຼວດອິສລາແອນທີ່ຈະປະຕິບັດຄຳສັ່ງຖອນທະຫານໃນໄວໆນີ້ນັ້ນ,ທ່ານຍັງກ່າວລຶ້ມວ່າ,ຫຼັງຈາກອິສລາແອນຖອນອອກຈາກແຖບກາຊາແລະເຂດສ່ວນຫນຶ່ງທາງພາກເຫນືອ ຝັ່ງຕາເວັນຕົກແມ່ນ້ຳຈໍແດນແລ້ວ, ບໍ່ຫ່ອນຈະຖອນອອກຈາກເຂດອື່ນໆຢູ່ຝັ່ງຕາເວັນຕົກແມ່ນ້ຳຈໍແດນ.ທ່ານຍັງກ່າວວ່າ,ຫຼັງຈາກຖອນທະຫານແຕ່ຝ່າຍດຽວແລ້ວ, ລັດຖະບານອິສລາແອນຈະຈັດເອົາວຽກງານຈຸດຫນັກໄວ້ໃນບັນຫາປົວແປງການຮັກສາຄວາມສະຫງົບໃຫ້ດີຂຶ້ນແລະການປະຕິຮູບການສຶກສາເປັນຕົ້ນ.
|
