|
ສປປເກົາຫລີກ່າວເນັ້ນວ່າ, ຂໍກະແຈໃນການແກ້ໄຂບັນຫານິວເຄຼຍແຫຼມເກົາຫລີແມ່ນສປປເກົາຫລີກັບອາເມລິກາຕ້ອງສ້າງຄວາມໄວ້ເນື້ອເຊື່ອໃຈກັນ
cri
Author: MO
ຕາມຂ່າວCRI： ໜັງສືພິມ"ໂລດົງຊິນມູນ" ສຽງຂອງສູນກາງພັກແຮງງານເກົາຫລີສະບັບວັນທີ 18 ກໍລະກົດໄດ້ພິມບົດວິຈານກ່າວເນັ້ນວ່າ, ມີແຕ່ອາເມລິກາກັບສປປເກົາຫລີສ້າງຄວາມໄວ້ເນື້ອເຊື່ອໃຈກັນຈຶ່ງອາດເຮັດໃຫ້ການເຈລະຈາ 6 ຝ່າຍກ່ຽວກັບບັນຫານິວເຄຼຍແຫຼມເກົາຫລີມີການຄືບໜ້າ, ຄວາມຮຽກຮ້ອງໃຫ້ແຕ່ຝ່າຍດຽວປະລະນິວເຄຼຍ ມີແຕ່ຈະເຮັດໃຫ້ວິກິດການນິວເຄຼຍດຸເດືອດຂຶ້ນ.
ແຕ່ພ້ອມກັນນັ້ນ, ບົດວິຈານຂຽນວ່າ, ສປປເກົາຫລີຈະພະຍາຍາມສຸດຂີດເຮັດໃຫ້ການເຈລະຈາ 6 ຝ່າຍຮອບໃໝ່ໄດ້ຮັບການຄືບໜ້າ, ແລະພວມກະກຽມຢ່າງແທ້ຈິງເພື່ອເລື່ອງນີ້.
ນອກນີ້, ຂ່າວແຈ້ງວ່າ, ວັນທີ 18 ກໍລະກົດ, ຂ່າວສານຢົນຮັບສ.ເກົາຫລີນຳເອົາຄວາມເວົ້າຂອງເຈົ້າໜ້າທີ່ຊັ້ນສູງຜູ້ໜຶ່ງຂອງລັດຖະບານສ.ເກົາຫລີມາລາຍງານວ່າ, ຍີ່ປຸ່ນມີຄວາມຈຳເປັນສະແດງທ່າທີຕັ້ງໜ້າກວ່າເກົ່າຕໍ່ການຈັດການເຈລະຈາ 6 ຝ່າຍຄືນໃໝ່.
|
|
