|
ທ່ານອາບັສກ່າວເຕືອນວ່າ, ຝ່າຍຕ່າງໆຂອງປາເລັສຕີນບໍ່ຄວນໂຈມຕີເປົ້າໝາຍອິສຣາແອນຕາມລຳພັງໃຈ
cri
Author: mo
ຕາມຂ່າວCRI: ວັນທີ 19 ກໍລະກົດ, ຢູ່ທີ່ກາຊາ, ທ່ານອາບັສ ປະທານອົງການອຳນາດແຫ່ງຊາດປາເລັສຕີນກ່າວວ່າ, ຝ່າຍຕ່າງໆແລະອົງການທັງໝົດຂອງປາເລັສຕີນຕ້ອງເຄົາລົບສັນຍາຢຸດຍິງທີ່ໄດ້ຕົກລົງກັນແລ້ວ, ຜູ້ໃດກໍບໍ່ຄວນຕ່າວຕີຄືນຕໍ່ການຮຸກຮານຂອງອິສຣາແອນຕາມລັງພັງໃຈ.
ວັນທີ 19 ກໍລະກົດ, ຢູ່ທີ່ກາຊາ, ທ່ານອາບັສເປັນປະທານໄຂກອງປະຊຸມຄະນະບໍລິຫານງານອົງການປົດປ່ອຍແຫ່ງຊາດປາເລັສຕີນ. ຖະແຫລງການທີ່ປະກາດຫລັງກອງປະຊຸມສັ່ງໃຫ້ອົງການປາເລັສຕີນທີ່ກ່ຽວຂ້ອງຕ້ອງທຳການເຄື່ອນໄຫວໃນທັນທີ, ຫລຸດຄວາມເຫັນຂັດກັນລະຫວ່າງບັນດາຝ່າຍ, ປົກປັກຮັກສາຄວາມສາມັກຄີຊາດແລະເປັນເອກະພາບຂອງປາເລັສຕີນ.
ມື້ດຽວກັນ, ກະຊວງພາຍໃນປາເລັສຕີນຕິຕຽນຢ່າງຮຸນແຮງຕໍ່ກອງພົນນ້ອຍຄາຊາມທີ່ເປັນອົງການປະກອບອາວຸດທີ່ຂຶ້ນກັບອົງການຮາມັສ ຂະບວນການຕໍ່ຕ້ານອິສລາມປາເລັສຕີນທີ່ອອກຄຳສັ່ງໃຫ້ສະມາຊິກຂອງເຂົາເປັນປໍລະປັກກັບອົງການຮັກສາຄວາມປອດໄພຂອງເຈົ້າໜ້າທີ່.
|
|
