|
|
 |
| (GMT+08:00)
2005-07-21 21:18:59
|
|
ງານສົນທະນາລະຫວ່າງສາສະໜາຂອງກອງປະຊຸມອາຊີເອີລົບໄດ້ຈັດຂຶ້ນທີ່ອິນໂດເນເຊຍ
cri
Author: mo
ຕາມຂ່າວCRI： ງານສົນທະນາລະຫວ່າງສາສະໜາຂອງກອງປະຊຸມອາຊີເອີລົບໄດ້ຈັດຂຶ້ນຢູ່ເກາະບາຫຼີ ສະຖານທີ່ທ່ອງທ່ຽວຂອງອິນໂດເນເຊຍແຕ່ວັນທີ 21 ກໍລະກົດເປັນຕົ້ນໄປ.
ຫົວຂໍ້ຕົ້ນຕໍຂອງງານສົນທະນາເທື່ອນີ້ແມ່ນ"ສ້າງຄວາມປອງດອງກັນດ້ານສາສະໜາໃນປະຊາຄົມໂລກ", ມີວັດຖຸປະສົງເພີ່ມຄວາມເຂົ້າໃຈແລະເຄົາລົບເຊິ່ງກັນແລະກັນລະຫວ່າງຜູ້ເຊື່ອຖືສາສະໜາຕ່າງກັນ, ຊຸກຍູ້ຄວາມປອງດອງກັນດ້ານສາສະໜາແລະຄວາມກົມກຽວກັນດ້ານສັງຄົມ. ເມື່ອງານສົນທະນາສິ້ນສຸດລົງ ຈະປະກາດ"ຄຳຖະແຫລງການບາຫຼີ".
ໃນພິທີໄຂງານ, ທ່ານຊູຊີໂລ ປະທານາທິບໍດີອິນໂດເນເຊຍໄດ້ກ່າວຄຳປາໄສ, ຮຽກຮ້ອງໃຫ້ຜູ້ເຊື່ອຖືສາສະໜາຕ່າງກັນໃຊ້ທາທີໃຈກວ້າງ ເຄົາລົບເຊິ່ງກັນແລະກັນແລະຢູ່ຮ່ວມກັນຢ່າງຖືກຕ້ອງປອງດອງກັນ.
|
|
|
