|
|
 |
| (GMT+08:00)
2005-07-22 18:32:11
|
|
ສປປເກົາຫລີຮຽກຮ້ອງສ້າງກົນໄກສັນຕິພາບເຂົ້າແທນກົນໄກຢຸດຍິງໃນປັດຈຸບັນ
cri
Author: mo
ຕາມຂ່າວສານຊີນຮວາ: ວັນທີ 22 ກໍລະກົດ, ຢູ່ທີ່ພຽງຢາງ ໂຄສົກກະຊວງການຕ່າງປະເທດສປປເກົາຫລີໃຫ້ສຳພາດໂດຍຮຽກຮ້ອງສ້າງກົນໄກສັນຕິພາບໃໝ່ເຂົ້າແທນກົນໄກຢຸດຍິງແຫຼມເກົາຫລີທີ່ມີຢູ່ກວ່າເຄິ່ງສະຕະວັດແລ້ວ.
ໂຄສົກກ່າວວ່າ, ການສ້າງກົນໄກສັນຕິພາບແມ່ນເສັ້ນທາງທີ່ຕ້ອງຜ່ານໃນການບັນລຸຈຸດໝາຍທີ່ເຮັດໃຫ້ແຫຼມເກົາຫລີປອດນິວເຄຼຍ. ຖ້າວ່າກົນໄກຢຸດຍິງກາຍເປັນກົນໄກສັນຕິພາບ, ນະໂຍບາຍເປັນປໍລະປັກກັບສປປເກົາຫລີແລະການຂົ່ມຂູ່ດ້ວຍນິວເຄຼຍຕໍ່ແຫຼມເກົາຫລີຂອງອາເມລິກາທີ່ພາໃຫ້ເກີດບັນຫານິວເຄຼຍນັ້ນກໍຈະ ຫາຍໄປ, ແຫຼມເກົາຫລີຈະປອດນິວເຄຼຍຕາມທຳມະດາ.
ໂຄສົກເວົ້າວ່າ, ສປປເກົາຫລີຄອງຄອຍຝ່າຍທີ່ກ່ຽວຂ້ອງເຊັ່ນອາເມລິກາເປັນຕົ້ນສົນໃຈນຳຄວາມຮຽກຮ້ອງຂອງສປປເກົາຫລີກ່ຽວກັບການສ້າງກົນໄກສັນຕິພາບຢູ່ແຫຼມເກົາຫລີ, ແລະທຳປະຕິກິລິຍາຢ່າງຕັ້ງໜ້າ.
|
|
|
