ຕາມ​ຂ່າວສານ​ຊິນຮວາ,ວັນ​ທີ 22 ກໍລະກົດ,ທ່ານ​ເຈິ​ນດຶກ​ເລື່ອງ ປະທານ​ປະ​ເທດ​ຫວຽດນາມ​ໄດ້ສິ້ນ​ສຸດ​ການ​ຢ້ຽມຢາມ​ຈີນ​ທາງ​ລັດຖະກິດ​ເປັນ​ເວລາ 5 ມື້,​ແລ້ວ​ຂີ່ຍົນ​ອອກ​ຈາກ​​ເມືອງ​ນານ​ນິງ ພາກ​ໃຕ້​ຂອງ​ຈີນ

 ໃນ​ງານ​ຖະ​ແຫຼ​ງຂ່າວ​ທີ່​ຈັດ​ຂຶ້ນ​ຢູ່​ເມືອງນານ​ນິງ​ໃນ​ວັນ​ທີ 22 ກໍລະ ກົດ,ທ່ານຫງຽນຢີ່ນຽນ ລັດຖະມົນຕີ​ການ​ຕ່າງປະ​ເທດ​ຫວຽດນາມ​​ໄດ້​ກ່າວ​ວ່າ,ການ​ຢ້ຽມຢາມ​ຂອງ​ທ່ານ​ປະທານ​ເຈິ​ນດຶກ​ເລື່ອງ​ເທື່ອ​ນີ້​ໄດ້​ຮັບ​ຜົນສຳ​ເລັດ ເຕັມ​ເມັດ​ເຕັມ​ຫນ່ວຍ,​ແລະ​ມີ​ບົດບາດ​ອັນຕັ້ງຫນ້າ​ທີ່​ຊຸກຍູ້​ການ​ຂະຫຍາຍ​ການ​ພົວພັນ​ມິດຕະພາບ​ແລະຮ່ວມ​ມື​ຮອບດ້ານ​ຖານ​ບ້ານ​ໃກ້​ເຮືອນຄ​ຽງ​ທີ່​ດີ​ຕໍ່​ກັນລະຫວ່າງ​ຫວຽດນາມ​ກັບ​ຈີນ,ສ່ອງ​ຝ່າຍ​ໄດ້​ປະກາດ​ວ່າການ​ເຈລະຈາ​ອະນຸຍາດໃຫ້ເຂົ້າສູ່​ຕະຫຼາດ​ຂອງສອງ​ຝ່າຍ​ກ່ຽວ​ກັບ​ຫວຽດນາມ​ເຂົ້າ​ຮ່ວມ​ອົງການ​ການ​ຄ້າ​ໂລກ​​​ໄດ້ສິ້ນ​ສຸດ​ທັງ​ຫມົດ​ແລ້ວ,ນີ້​ຈະ​ບຸກ​ເບີກ​ອະ​ນາຄົດ​ໃຫມ່​​​ໃຫ້​ແກ່​ການ​ຮ່ວມ​ມື​ກັນ​ລະຫວ່າງ​ສອງ​ປະ​ເທດ​ໃນຂົງ​ເຂດ​ຕ່າງໆ​ ​ໂດ​ຍສະ​ເພາະ​ແມ່ນຂົງ​ເຂດ​ເສດຖະກິດ​ການ​ຄ້າ.