|
ກອງປະຊຸມຂັ້ນລັດຖະມົນຕີຂອງພາກພື້ນອາຊີປາຊິຟິກກ່ຽວກັບການບັນລຸເປົ້າໝາຍພັດທະນາສະຫັດສະວັດຈັດຂຶ້ນຢູ່ອິນໂດເນເຊຍ
cri
Author: da
ຕາມຂ່າວCRI: ກອງປະຊຸມຂັ້ນລັດຖະມົນຕີຂອງພາກພື້ນອາຊີປາຊິຟິກກ່ຽວກັບການບັນລຸຄາດໝາຍພັດທະນາສະຫັດສະວັດໄດ້ຈັດຂຶ້ນຢູ່ຢາກາກຕາ ນະຄອນຫຼວງອິນໂດເນເຊຍເປັນເວລາ 3 ມື້.
ໃນພິທີໄຂກອງປະຊຸມ ທ່ານຊູຊິໂລ ປະທານາທິບໍດີອິນໂດເນເຊຍໄດ້ກ່າວຄຳປາໄສ,ຮຽກຮ້ອງໃຫ້ບັນດາປະເທດເພີ່ມທະວີການຮ່ວມມືກັນໃນພາກພື້ນ,ກຳຈັດຄວາມທຸກຍາກ,ພະຍາຍາມບັນລຸເປົ້າໝາຍພັດທະນາສະຫັດສະວັດ.
ຕາມຂ່າວແຈ້ງວ່າ,ຜູ້ແທນຂອງ 40 ປະເທດອາຊີປາຊິຟິກໄດ້ເຂົ້າຮ່ວມກອງປະຊຸມຄັ້ງນີ້,ກອງປະຊຸມຈະຫາລືແລະວາງຍຸດທະສາດຮ່ວມເພື່ອບັນລຸເປົ້າໝາຍພັດທະນາສະຫັດສະວັດຕາມແຜນການກອງປະຊຸມສຸດຍອດປີ 2000.
|
|
