|
ຕາມຂ່າວCRI: ວັນທີ 7 ສິງຫາ, ທ່ານເນທານຢາຮູ ລັດຖະມົນຕີກະຊວງການເງິນອິສຣາແອນໄດ້ລາອອກຈາກຕຳແໜ່ງຍ້ອນຄັດຄ້ານແຜນການຖອນຄືນແຕ່ຝ່າຍດຽວ.
ຕາມໄດ້ຊາບ, ທ່ານເນທານຢາຮູ ລັດຖະມົນຕີກະຊວງການເງິນ ສະມາຊິກກຸ່ມລີກຸດປີກຂວາ ແມ່ນຍື່ນໃບຂໍລາອອກຈາກຕຳແໜ່ງກ່ອນຄະນະລັດຖະບານກຽມລົງຄະແນນສຽງກ່ຽວກັບແຜນການຖອນຄືນແຕ່ຝ່າຍດຽວໃນມື້ດັ່ງກ່າວ. ຕອນຄ່ຳວັນທີ 7 ສິງຫາ, ທ່ານຊາໂລງ ນາຍົກລັດຖະມົນຕີອິສຣາແອນໄດ້ແຕ່ງຕັ້ງທ່ານໂອເມີດ ຮອງນາຍົກລັດຖະມົນຕີທັງເປັນລັດຖະມົນຕີກະກວງອຸສາຫະກຳການຄ້າເປັນລັດຖະມົນຕີກະຊວງການເງິນ. ທ່ານຊາໂລງພ້ອມທັງກ່າວວ່າ, ແຜນການຖອນຄືນແຕ່ຝ່າຍດຽວຈະປະຕິບັດຕາມເວລາກຳນົດ, ນະໂຍບາຍເສດຖະກິດທີ່ມີຢູ່ແລ້ວຂອງອິສຣາແອນກໍຈະບໍ່ປ່ຽນແປງຍ້ອນທ່ານເນທານຢາຮູລາອອກຈາກຕຳແໜ່ງ.
ພາຍຫຼັງຂ່າວທີ່ທ່ານເນທານຢາຮູ ລາອອກຈາຕຳແໜ່ງໄດ້ຊ່າລື່ອອກມາແລ້ວ, ໄດ້ເກີດມີປະຕິກິລິຍາຕ່າງກັນໃນວົງການການເມືອງອິສຣາແອນ. ນັກການເມືອງປີກຊ້າຍຕິຕຽນຢ່າງເຂັ້ມງວດວ່າທ່ານເນທານຢາຮູລາອອກຈາກຕຳແໜ່ງແມ່ນເອົາຜົນປະໂຫຍດສ່ວນຕົວວາງໄວ້ຢູ່ເໜືອຜົນປະໂຫຍດແຫ່ງຊາດ. ແຕ່ບຸກຄົນປີກຂວາທີ່ຄັດຄ້ານແຜນການແຕ່ຝ່າຍດຽວຜັດສະໜັບສະໜູນ. ຂ່າວດັ່ງກ່າວຍັງໄດ້ກະທົບກະເທືອນເຖິງເສດຖະກິດຂອງອິສຣາແອນ, ຕົວເລກດັດຊະນີລາຍຕ່າງໆຂອງຕະຫຼາດຊື້ຂາຍບັດຫຸ້ນສ່ວນເຕລາເວຟ ໃນວັນທີ 7 ສິງຫາລ້ວນແຕ່ຫຼຸດລົງ.
|
