|
ຕາມຂ່າວສານຊິນຮວາ,ວັນທີ 15 ສິງຫາ,ບາງປະເທດໄດ້ທະຍອຍກັນຈັດການເຄື່ອນໄຫວ,ລະລຶກສົງຄາມໂລກຄັ້ງທີສອງໄດ້ຮັບໄຊຊະນະຄົບ ຮອບ 60 ປີ.ສື່ມວນຊົນຈຳນວນຫນຶ່ງກໍພິມບົດນຳແລະບົດຄວາມ,ອາໄລຫາຜູ່ເສຍສະຫຼະໃນສົງຄາມ ຮຽກຮ້ອງໃຫ້ປົກປັກຮັກສາສັນຕິພາບຂອງໂລກ
ວັນທີ 15 ສິງຫາ, ຢູ່ທີ່ນະຄອນຫຼວງແຄນເບີຮາ ,ອົສຕຼາລີໄດ້ຈັດພິທີ ລະລຶກສົງຄາມປາຊີຟິກໄດ້ຮັບໄຊຊະນະ,ນັກລົບເກົ່າປະມານ 1500 ຄົນແລະບຸກຄົນວົງການຕ່າງໆປະມານ 4000 ຄົນໄດ້ເຂົ້າຮ່ວມພິທີດັ່ງກ່າວ.
ໃນມື້ດຽວກັນ,ຢູ່ຫນ້າອະນຸສາວະລີວິລະຊົນຕໍ່ຕ້ານຍີ່ປຸ່ນຂອງຊາວຈີນຢູ່ຟິລິບປິນ,ນັກລົບເກົ່າຊາວຈີນແລະນັກລົບເກົ່າຟິລິບປິນຫຼາຍສິບຄົນໃນໄລຍະສົງຄາມໂລກຄັ້ງທີສອງໄດ້ເຕົ້າໂຮມກັນອີກເທື່ອຫນຶ່ງ ພ້ອມກັນອາໄລຫາເພື່ອນຮ່ວມລົບແຕ່ກ່ອນ,ຫວນຄືນຄວາມປິຕິຊົມຊື່ນໃນເວລາໄດ້ຮັບໄຊຊະນະໃນຄາວນັ້ນ.
ນອກນີ້,ສື່ມວນຊົນຂອງບາງປະເທດກໍໄດ້ລະລຶກສົງຄາມບັ້ນນີ້ດ້ວຍຮູບການປະກາດບົດນຳແລະບົດຄວາມ,ວັນທີ 15 ສິງຫາ,ຫນັງສືພິມໂລກລາຍວັນ ຫນັງສືພິມພາສາຈີນຂອງຟິລິບປິນໄດ້ພິມບົດນຳ,ເຕືອນໃຫ້ຄົນທັງຫຼາຍເອົາໃຈໃສ່ຢ່າງໃກ້ຊິດລະວັງລັດທິລັດຖະທະຫານຍີ່ປຸ່ນອາດຈະຟື້ນຊີບຄືນມາ,ທຳຮ້າຍປະຊາຊົນຂອງບັນດາປະເທດອາຊີອີກເທື່ອຫນຶ່ງ.
ວັນທີ 15 ສິງຫາ,ຫນັງສືພິມເອຊຽນເດລີໄດ້ພິມບົດນຳ,ເຕືອນໃຫ້ຄົນທັງຫຼາຍຢ່າລືມປະຫວັດສາດ
|
