ຕາມ​ຂ່າວCRI , ຫຼັງ​ຈາກ​ລັດຖະບານ​ອິນ​ໂດ​ເນ​​ເຊ​ຍກັບ​ຂະ​ບວນການ​ອາ​ເຈະ​ເສລີ​ເຊິ່ງ​​ເປັນອົງການ​ລັດທິແບ່ງ​ແຍກຂອງ​ອາ​ເຈະ​ໄດ້​ເຊັນ​ສັນຍາ​ສັນຕິພາບ​ຢ່າງ​ເປັນ​ທາງ​ການ​ຢູ່​ທີ່​​ແຮນ​ຊິງ​ກີ ນະຄອນຫຼວງ​ແຟງລັງ​ໃນ​ວັນ​ທີ 15 ສິງຫາແລ້ວ,ປະຊາ​ຄົມ​ໂລກ​ໄດ້​ພາກັນສະ​ແດງ​ຄວາມສະຫນັບສະຫນູ​ນ​ແລະ​ຊົມ​ເຊີຍ​ຕໍ່​ເລື່ອງ​ນີ້

ວັນ​ທີ 15 ສິງຫາ,ທ່ານ​ອານ​ນານ ​ເລຂາທິການ​ໃຫຍ່​ອົງການ​ສະຫະ​ປະຊາ​ຊາດ​ໄດ້​​ໃຫ້​ໂຄສົກ​ຂອງ​ທ່ານ​ອອກ​ຖະ​ແຫຼ​ງການ​ວ່າ,ຫວັງ​ໃຫ້​ສອງ​ຝ່າຍ​ ​ຕັດສິນ​ໃຈ​ແລະ​ໃຫ້​ຄຳ​ຫມັ້ນ​ສັນຍາຕໍ່​ໄປ,​​​​ໂຄລົບ​ແລະ​ປະຕິບັດ​ຕາມສັນຍາ​ຢ່າງ​ແທ້ຈິງ,​ເຮັດ​ໃຫ້​​ເຂດ​ອາ​ເຈະ​​ກ້າວ​ໄປ​ສູ່​ຍຸກ​ສະ​ໄຫມ​ສັນຕິພາບ​ຫຼັງ​ຈາກ​​ໄດ້​ເກີດການ​ປະ​ທະ​ກັນ​ດ້ວຍ​ກຳລັງ​ອາວຸດ​ມາມາ​ເປັນ​ເວລາ​ເກືອບ 30 ປີ​ແລ້ວ.

ມື້​ດຽວ​ກັນ,ທ່ານ​ແມັກ​ຄໍ​ມາກ ​ໂຄສົກ​ກະຊວງ​ການ​ຕ່າງປະ​ເທດ​ອາ​ເມ​ລິ​ກາ​ກໍ​ອອກ​ຖະ​ແຫຼ​ງການ​​ຊີ້​ອອກ​ວ່າ,ການ​ປະຕິບັດ​ສັນຍາ​ຢ່າງ​ສຳ​ເລັ​ດຜົນຈະຂ້ຽວ​ເລັ່ງຂະ​ບວນວິວັດ​ສັນຕິພາບ​ຂອງ​​ເຂດ​ອາ​ເຈະພ້ອມ​ກັນ​ນັ້ນ,ຄະນະ​ຕິດຕາມ​ກວດກາ​ສາກົນ​ຕໍ່ສັນຕິພາບ​ອາ​ເຈະ​ທີ່​ປະກອບ​​ໂດຍອາ​ຊຽນ  ສະຫະພາບ​ເອີ​ລົບ  ນອກ​ແວ​ແລະ​ສະວິສ​ກໍໄດ້​ເລີ່​ມປະຕິບັດ​ຫນ້າ​ທີ່ຢູ່​ເຂດ​ອາ​ເຈະ​ໃນວັນ​ທີ 15 ສິງຫາ,​ເພື່ອ​ຕິດຕາມ​ກວດກາ​ສະພາບ​ປະຕິບັດ​ສັນຍາ​ສັນຕິພາບ

    ນອກນີ້ ຂ່າວ​ແຈ້ງວ່າ,​ວັນ​ທີ 15 ສິງຫາ,ທ່ານ​ຊູຊີ​ໂລ ປະທານາທິບໍດີ​ອິນ​​ໂດ​ເນ​ເຊຍ​ກ່າວ​ວ່າ,ລັດຖະບານ​ອິນ​ໂດ​ເນ​ເຊຍ​ຈະ​ພະຍາ​ຍາມ​ສຸດ​ຂີດປະຕິບັດ​ສັນຍາ​ຢ່າງ​ສຳ​ເລັດ​ຜົນ.