|
ຕາມຂ່າວcri:ວັນທີ24ສິງຫາ,ອົງການຈັດຕັ້ງການເມືອງນິກາຍຊຸນນິດອິຣັກໄດ້ທະຍອຍກັນກ່າວວ່າ,ບໍ່ຮັບຮອງຮ່າງລັດຖະທຳມະນູນທາງການທີ່ຄະນະກຳມະການຮ່າງລັດຖະທຳມະນູນອີຣັກສະເໜີໃຫ້ສະພາແຫ່ງຊາດຂ້າມຜ່ານ.
ກອງປະຊຸມມະຫາຊົນນິກາຍຊຸນນິດກ່າວວ່າ,ຮ່າງລັດຖະທຳມະນູນດັ່ງກ່າວແມ່ນຜົນຂອງການປຶກສາຫາລືກັນລະຫວ່າວສະຫະພັນສາມັກຄີນິກາຍຊີອິດແລະສະຫະພັນຊາວເຄີດ.ສະພາຜູ່ອາວຸໂຊມຸສລີມອົງການຈັດຕັ້ງສາສະໜານິກາຍຊຸນນິດຮຽກຮ້ອງສະພາແຫ່ງຊາດຂ້າມຜ່ານ,ຢ່າຂືນຜ່ານຮ່າງລັດຖະທຳມະນູນ.
ມື້ດຽວກັນ,ຫຼັງຈາກທ່ານທາລາບານີປະທານາທິບໍດີລັດຖະບານຂ້າມຜ່ານອິຣັກໄດ້ພົບປະທ່ານຮັດຊາຊາງນີຊາວມຸສລີມນິກາຍຊຸນນິດ ປະທານສະພາແຫ່ງຊາດຂ້າມຜ່ານແລ້ວ,ທ່ານກ່າວວ່າ,ນິກາຍຊີອິດ ນິກາຍຊຸນນິດແລະຊາວເຄີດມີຫັຼກໝັ້ນເປັນເອກະສັນກັນໃນບັນຫາສຳຄັນ,ແມ່ນສິ່ງສຳຄັນທີ່ສຸດຕໍ່ການຮັກສາສະຖຽນລະພາບຂອງອິຣັກ,ຝ່າຍທີ່ກ່ຽວຂ້ອງຄວນຕອບສະໜອງຄວາມຕ້ອງການຂອງນິກາຍຊຸນນິດຕໍ່ຮ່າງລັດຖະທຳມະນູນ.
|
