ຕາມຂ່າວCRI: ວັນທີ 24 ສິງຫາ,ສະພາຄວາມໝັ້ນຄົງສະຫະປະຊາຊາດໄດ້ຈັດການເປິກສາຫາລືກັນແບບອັດປະຕູກ່ຽວກັບສະຖານະການຕາເວັນອອກກາງແລະໄດ້ອອກຖະແຫຼງການຂອງປະທານ, ຖະແຫຼງການໄດ້ສະແດງຄວາມຍ້ອງຍໍຊົມເຊີຍຕໍ່ອິສຣາແອນແລະປາເລັດສຕີນທີ່ໄດ້ຮ່ວມກັນທຳຄວາມພະຍາຍາມເພື່ອຮັບປະກັນໃຫ້ແຜນການເຄື່ອນໄຫວແຕ່ຝ່າຍດຽວດຳເນີນໄປຢ່າງສະດວກ.
ຖະແຫຼງການຫວັງໃຫ້ສອງຝ່າຍສືບຕໍ່ຮັກສານ້ຳໃຈຮ່ວມມືຕໍ່ໄປ ສ້າງປະເທດປາເລັດສຕີນທີ່ເປັນເອກກະລາດ ປະຊາທິປະໄຕ ມີອະທິປະໄຕຄົບຖ້ວນ ແລະຢູ່ຮ່ວມກັນໂດຍສັນຕິກັບອິສຣາແອນໃນພາກພື້ນນີ້ໃນທີ່ສຸດ.
ວັນທີ 24 ສິງຫາ ຢູ່ໂຮເມສ໌ ຈຸດຕັ້ງຖິ່ນຖານຂອງຊາວຢິວທີ່ຝັ່ງຕາເວັນຕົກແມ່ນ້ຳຈໍແດນ ທ່ານດານ ຮາລຸສ໌,ເສນາທິການສູງສຸດຂອງກອງທັບປ້ອງກັນຊາດອິສຣາແອນເວົ້າວ່າ ທະຫານອິສຣາແອນກະຈະຖອນອອກຈາກແຖບກາຊາທັງໝົດໃນທ້າຍເດືອນກັນຍາ.
ນອກນີ້ ຂ່າວແຈ້ງວ່າ ວັນທີ 24 ສິງຫາ ເຈົ້າໜ້າທີ່ອິສຣາແອນປະກາດວ່າ ອິສຣາແອນກັບເອຢິບໄດ້ເຊັນສັນຍາກັນໃນທີ່ສຸດກ່ຽວກັບບັນຫາຈັດວາງທະຫານຢູ່ເຂດຊາຍແດນແຖບກາຊາ.
ມື້ດຽວກັນ ພາຍຫຼັງທ່ານອັບບັສ ປະທານອົງການອຳນາດແຫ່ງຊາດປາເລສຕີນພົບປະທ່ານມູບາລັກປະທານາທິບໍດີເອຢິບຢູ່ເລີແກແລ້ວ, ທ່ານປະກາດວ່າ ປາເລສຕີນກັບເອຢິບຈະພ້ອມກັນທຳຄວາມພະຍາຍາມແກ້ໄຂບັນຫາດ່ານຂ້າມຊາຍແດນລະ ຫວ່າງແຖບກາຊາກັບເອຢິບ.
|