|
|
 |
| (GMT+08:00)
2005-08-27 17:26:30
|
 |
|
ສະຖານທູດຈີນປະຈຳຕ່າງປະເທດແລະຊາວຈີນຕ່າງດ້າວຢູ່ພົ້ນທະເລລະລຶກສົງຄາມຕໍ່ຕ້ານຍີ່ປຸ່ນໄດ້ຮັບໄຊຊະນະຄົບຮອບ 60 ປີ
cri
Author: da
ຕາມຂ່າວCRI: ໃນຫຼາຍມື້ມານີ້, ສະຖານທູດຈີນປະຈຳຕ່າງປະເທດແລະຊາວຈີນຕ່າງດ້າວຢູ່ພົ້ນທະເລຕ່າງໄດ້ຈັດການເຄື່ອນໄຫວດ້ວຍຮູບການຕ່າງໆ,ລະລຶກສົງຄາມປະຊາຊົນຈີນຕໍ່ຕ້ານຍີ່ປຸ່ນແລະສົງຄາມໂລກຕ້ານຟັດຊິດໄດ້ຮັບໄຊຊະນະຄົບຮອບ 60 ປີ.
ວັນທີ 26 ສິງຫາ ຢູ່ແບກແລງ,ສະຖານທູດຈີນປະຈຳເຢຍລະມັນໄດ້ຈັດງານຊຸມນຸມ.ທ່ານເອກອັກຄະລັດຖະທູດມາຊັ້ນຢູງເວົ້າວ່າ,ສົງຄາມຈີນຕໍ່ຕ້ານຍີ່ປຸ່ນໄດ້ຮັບໄຊຊະນະແມ່ນບາດລ້ຽວສຳຄັນທີ່ປະຊາຊາດຈີນຈາກຄວາມຊຸດຮ້າຍຫັນໄປສູ່ຄວາມຈະເລີນ,ຈີນແມ່ນກຳລັງສຳຄັນໃນສົງຄາມໂລກຕ້ານຟັດຊິດ,ກໍແມ່ນກຳລັງສຳຄັນໃນການຊຸກຍູ້ການພັດທະນາໂລກດ້ວຍສັນຕິວິທີ.
ມື້ດຽວກັນ ຊາວຈີນຕ່າງດ້າວແລະຜູ້ຊົງຄຸນວຸດທິສັນຕິພາບຢູ່ເຂດກວັນໄຊຍີ່ປຸ່ນໄດ້ຮ່ວມກັນຈັດງານສົນທະນາ,ຮຽກຮ້ອງຊາວຈີນຕ່າງດ້າວສາມັກຄີກັນ,ຊຸກຍູ້ການໂຮມຈີນເຂົ້າເປັນເອກະພາບກັນ.
ໃນເວລາຕ້ອນຮັບການສຳພາດຂອງສື່ມວນຊົນ ທ່ານເສີງໄຄສີ່ ເລຂາທິການໃຫຍ່ສະມາຄົມມິດຕະພາບມາເລເຊຍຈີນເວົ້າວ່າ,ປະເທດທີ່ກ່ຽວຂ້ອງຄວນດຳເນີນວຽກງານເປີດເຜີຍຄວາມຈິງທາງປະຫວັດສາດໂດຍໄວ,ເພື່ອກ່າວຕິໂຕ້ການກະທຳທີ່ເຈດຕະນາປະຕິເສດບໍ່ຮັບຮູ້ປະຫວັດການຮຸກຮານແລະເວົ້າຍ້ອມສົງຄາມ.ທ່ານເວົ້າວ່າ,ຍີ່ປຸ່ນເຄີຍກໍ່ສົງຄາມຮຸກຮານ ແຕ່ຈົນມາຮອດປະຈຸບັນຍັງບໍ່ສຳຫຼວດຕົນເອງແລະຂໍອະໄພໂທດຢ່າງຈິງຈັງ,ຄັນຊັ້ນ ກໍບໍ່ມີຄຸນວຸດທິເປັນປະເທດມົນຕີຖາວອນຂອງສະພາຄວາມໝັ້ນຄົງສະຫະປະຊາຊາດ.
|
|
|
