|
ສື່ມວນຊົນສິງກະໂປເຫັນວ່າ ການປະຕິຮູບອົງການສະຫະປະຊາຊາດຄວນດຳເນີນໄປຢ່າງໜັກແໜ້ນ ຫາກບໍ່ຄວນຊຸກຍູ້ຢ່າງຊູຊີ
cri
Author: min
ຕາມຂ່າວCRI: ວັນທີ 17 ກັນຍາ, ໜັງສືພິມ"ລຽນຮືຈາວປ້າວ" ຂອງສິງກະໂປໄດ້ພິມບົດວິຈານທີ່ພາດຫົວເລື່ອງວ່າ"ການປະຕິຮູບອົງການສະຫະປະຊາຊາດຄວນກ້າວໄປໜ້າດ້ວຍບາດກ້າວນ້ອຍ", ເຫັນວ່າ ການປະຕິຮູບອົງການສະຫະປະຊາຊາດຄວນດຳເນີນໄປຢ່າງໜັກແໜ້ນ ຫາກບໍ່ຄວນຊຸກຍູ້ຢ່າງຊູຊີ, ຖ້າບໍ່ດັ່ງນັ້ນ, ຄວາມສັດທາຖານະແລະບົດບາດຂອງອົງການສະຫະປະຊາຊາດກໍ່ອາດຈະກ້າວເຂົ້າສູ່ສະພາບທີ່ຄາດຄະເນບໍ່ໄດ້.
ບົດວິຈານຂຽນວ່າ, ຖ້າການຂັດແຍ້ງກັນອັນໃຫຍ່ຫຼວງລະຫວ່າງບັນດາປະເທດສະມາຊິກລົບລ້າງຍາກໃນຊົ່ວຄາວ, ວິທີອັນເໝາະສົມທີ່ສຸດກໍ່ແມ່ນໂຈະການໂຕ້ຖຽງກັນໄວ້ກ່ອນ, ເພື່ອຊອກຫາແບບວິທີທີ່ດີກວ່າໃນພາຍໜ້າ.
ນອກນີ້, ບົດວິຈານຍັງຊີ້ອອກວ່າ, ສິ່ງທີ່ສຳຄັນກວ່າການປະຕິຮູບແມ່ນທຸກປະເທດສະມາຊິກອົງການສະຫະປະຊາຊາດ, ບໍ່ວ່ານ້ອຍຫຼືໃຫຍ່, ແຂງແຮງຫຼືອ່ອນແອ, ຮັ່ງມີຫຼືທຸກຍາກ, ກ່ອນອື່ນໝົດ, ກໍ່ລ້ວນແຕ່ຕ້ອງເຄົາລົບອົງການສະຫະປະຊາຊາດ, ເຄົາລົບກົດບັດຂອງອົງການສະຫະປະຊາຊາດ.
|
|
