|
|
 |
| (GMT+08:00)
2005-09-19 18:28:08
|
|
ຮອງນາຍົກລັດຖະມົນຕີຈີນເລີ່ມຢ້ຽມຢາມສິງກະໂປ
cri
Author: da
ຕາມຂ່າວCRI: ໂດຍຕອບສະໜອງຄຳເຊີນຂອງທ່ານວົງກັນເຊັງ ຮອງນາຍົກລັດຖະມົນຕີສາທາລະນະລັດສິງກະໂປ,ທ່ານນາງອູອີ ຮອງນາຍົກລັດຖະມົນຕີຈີນໄດ້ເດີນທາງໄປຮອດສິງກະໂປໃນຕອນບ່າຍວັນທີ 19 ກັນຍາ,ເລີ່ມຢ້ຽມຢາມສິງກະໂປເປັນເວລາ 3 ມື້.
ຕາມຊາບວ່າ,ໃນໄລຍະຢ້ຽມຢາມສິງກະໂປ,ທ່ານນາງອູອີຈະພ້ອມກັນກັບທ່ານວົງກັນເຊັງຈັດກອງປະຊຸມຄັ້ງທີ 2 ຂອງຄະນະກຳມະການປະສົມການຮ່ວມມືສອງຕໍ່ສອງຈີນ-ສິງກະໂປ,ຫວນຄືນສະພາບການປະຕິບັດໂຄງການຮ່ວມມືທີ່ສອງຝ່າຍຕົກລົງກັນໃນກອງປະຊຸມຄັ້ງທີ 1 ທີ່ຈັດຂຶ້ນໃນປີກາຍນີ້,ພ້ອມກັນນັ້ນຈະຊຸກຍູ້ການປະຕິບັດໂຄງການຮ່ວມມືໃໝ່.ນອກນີ້ ໃນໄລະຢ້ຽມຢາມ ຈີນກັບສິງກະໂປຈະເຊັນສັນຍາຮ່ວມມືຫຼາຍສະບັບ.
ທ່ານນາງອູອີຍັງຈະແຍກກັນພົບປະທ່ານນາທານ ປະທານາທິບໍດີ ທ່ານລີຊຽນລົງ ນາຍົກລັດຖະມົນຕີ ແລະທ່ານໂຖຈົກຕົງ ລັດຖະບຸລຸດສິງກະໂປ,ຈະແລກປ່ຽນຄວາມເຫັນກ່ຽວກັບບັນຫາທີ່ສອງຝ່າຍສົນໃຈນຳກັນ.
|
|
|
