ຕາມ​ຂ່າວCRI: ວັນ​ທີ 19 ກັນຍາ​ຢູ່​ຊານ​ເມືອງ​ກົວ​ລາ​ລຳ​ເປີ ນະຄອນ​ຫຼວງ​ມາ​ເລ​ເຊຍ, 10ປະ​ເທດ​ອາ​ຊຽນ​ໄດ​ຈັດການ​ເຝິກ​ຊ້ອມກູ້​ໄພປະສົມ​ພາກ​ພື້ນຄັ້ງ​ທຳ​ອິດ, ​ເພື່ອກວດກາ​ຄວາມ​ສາມາດ​ຊຳລະ​ໄພ​ທຳ​ມະຊາດ​ຂອງ​ພາກ​ພື້ນ​ຕົນ.

ຕາມ​ລາຍ​ງານ​ວ່າ, ​ເຈົ້າ​ໜ້າ​ທີ່​ກອບ​ກູ້​ທີ່​ມາ​ຈາກມາ​ເລ​ເຊຍ ສີ​ງກະ​​ໂປ​ແລະ​ບຣູ​ໄນແລະ​ຜູ່​ສັງ​ເກດ​ການ​ທີ່​ມາ​ຈາກ​ປະ​ເທດ​ສະມາຊິກ​ອາ​ຊຽນອື່ນໆ​ປະມານ 200 ຄົນ​ໄດ້​ເຂົ້າ​ຮ່ວມ​ການ​ເຝິກ​ຊ້ອມ​ກູ້​ໄພ​ປະສົມ​ທີ່​ຈັດ​ຂຶ້ນ​ໃນ​ມື້​ດຽວ​ກັນ.

ຕາມ​ໄດ້​ຊາບ, ການ​ເຝິກ​ຊ້ອມ​ເທື່ອ​ນີ້​ແມ່ນ​ປະຕິບັດ​ຕາມ​ເນື້ອ​ໃນ​ສ່ວນ​ໜຶ່ງ​ຂອງ"ສັນຍາ​ຄວບ​ຄຸມ​​ແລະ​ຮັບ​ມື​ດ່ວນ​ຕໍ່ໄພ​ທຳ​ມະ​ຊາດ​ອາ​ຊຽນ"ທີ່​ກອງ​ປະຊຸມ​ລັດຖະມົນ​ຕີ​ກະ​ຊວງ​ການ​ຕ່າງປະ​ເທດ​ອາ​ຊຽນສະ​ໄໝ​ທີ 38 ​ເຊັນກັນ​ຢູ່​ປະ​ເທດ​ລາວ​ເມື່ອ​ເດືອນ​ກໍລະກົດ.