|
|
 |
| (GMT+08:00)
2005-09-21 10:55:23
|
 |
|
ທ່ານລີຊຽນລົງ ນາຍົກລັດຖະມົນຕີສິງກະໂປພົບປະທ່ານນາງອູຢີ ຮອງນາຍົກລັດຖະມົນຕີຈີນ
cri
Author: min
ຕາມຂ່າວＣＲＩ: ວັນທີ 20 ກັນຍາ, ຢູ່ທຳນຽບປະທານາທິບໍດີ, ທ່ານລີຊຽນລົງ ນາຍົກລັດຖະມົນຕີສິງກະໂປໄດ້ພົບປະທ່ານນາງອູຢີ ຮອງນາຍົກລັດຖະມົນຕີຈີນທີ່ໄປຢ້ຽມຢາມ, ສອງຝ່າຍກ່າວເນັ້ນວ່າ ຈະຂະຫຍາຍການແລກປ່ຽນແລະການຮ່ວມມືໃນຂົງເຂດຕ່າງໆລະຫວ່າງສອງປະເທດຕື່ມອີກ, ລົງເລິກສາຍພົວພັນຮ່ວມມືດ້ວຍໄມຕີຈິດລະຫວ່າງຈີນກັບສິງກະໂປຢ່າງບໍ່ຢຸດຢັ້ງ.
ທ່ານລີຊຽນລົງເວົ້າວ່າ, ການພົວພັນຈີນກັບສິງກະໂປໄດ້ຂະຫຍາຍຕົວຢ່າງດີງາມ, ເຊື່ອວ່າ, ພາຍໃຕ້ຄວາມພະຍາຍາມຮ່ວມກັນຂອງສອງຝ່າຍ, ຈຸດໝາຍທີ່ເຮັດໃຫ້ການຄ້າລະຫວ່າງສອງຝ່າຍບັນລຸ 50 ຕື້ໂດລາໃນປີ 2010 ຈະບັນລຸຜົນເປັນຈິງລ່ວງໜ້າຢ່າງແນ່ນອນ.
ທ່ານນາງອູຢີເວົ້າວ່າ, ຝ່າຍຈີນເອົາໃຈໃສ່ນຳການພົວພັນກັບສິງກະໂປ, ຍິນດີຊຸກຍູ້ການຮ່ວມມືລະຫວ່າງສອງປະເທດໃຫ້ມີຄວາມຄືບໜ້າໃໝ່ຢ່າງບໍ່ຢຸດຢັ້ງບົນພື້ນ ຖານສະເໝີພາບກັນແລະຕ່າງຝ່າຍຕ່າງມີຜົນປະໂຫຍດ.
ສອງຝ່າຍຍັງເປັນເອກກະສັນກັນເຫັນດີຈະສືບຕໍ່ສຸມກຳລັງເພື່ອຊຸກຍູ້ການຂະ ຫຍາຍການພົວພັນລະຫວ່າງຈີນກັບອາຊຽນ, ໂດຍສະເພາະແມ່ນອອກແຮງຊຸກຍູ້ຂະບວນການສ້າງເຂດການຄ້າເສລີຈີນອາຊຽນ.
ວັນທີ 20 ກັນຍາ, ທ່ານນາງອູຢີຍັງໄດ້ພົບປະທ່ານໂກຈົກຕົງ ລັດຖະບຸລຸດສິງກະໂປ.
|
|
|
