|
|
 |
| (GMT+08:00)
2005-09-21 16:28:06
|
|
ສີ່ຝ່າຍກ່ຽວກັບບັນຫາຕາເວັນອອກກາງຈັດກອງປະຊຸມຮຽກຮ້ອງອີສຣາແອນຢຸດເຊົາສ້າງຈຸດຕັ້ງຖິ່ນຖານ
cri
ຕາມຂ່າວＣＲＩ: ວັນທີ 20 ກັນຍາ, ສີ່ຝ່າຍກ່ຽວກັບບັນຫາຕາເວັນອອກກາງທີ່ປະກອບດ້ວຍລວມທາງອົງການສະຫະປະຊາຊາດ, ອາເມລິກາ, ຣັດເຊຍແລະສະຫະພາບເອີລົບໄດ້ຈັດກອງປະຊຸມຢູ່ສຳນັກງານໃຫຍ່ອົງການສະຫະປະຊາຊາດແລະອອກຖະແຫຼງການ, ຮຽກຮ້ອງໃຫ້ອີສຣາແອນເຊົາສ້າງຈຸດຕັ້ງຖິ່ນຖານບົນດິນແດນທີ່ຖືກຍຶດຄອງຂອງປາເລັສຕີນ.
ຖະແຫຼງການຍັງຮຽກຮ້ອງໃຫ້ອິສຣາແອນຜ່ອນຄາຍການຈຳກັດການເຄື່ອນໄຫວຕໍ່ຊາວ ປາເລັສຕີນ, ແລະຊີ້ອອກວ່າ, ບັນຫາກ່ຽວກັບຖານະສຸດທ້າຍຂອງປາເລັສຕີນແລະອິສຣາແອນຕ້ອງແກ້ໄຂໂດຍຜ່ານຈາກການເຈລະຈາ.
ຖະແຫຼງການຮຽກຮ້ອງໃຫ້ອົງການອຳນາດແຫ່ງຊາດປາເລັສຕີນສືບຕໍ່ໂຈມຕີລັດທິກໍ່ການຮ້າຍ, ຊຸກຍູ້ການປະຕິຮູບຂະແໜງການຮັກສາຄວາມສະຫງົບ. ຖະແຫຼງການຍັງເຕືອນໃຫ້ຝ່າຍປະກອບອາວຸດປາເລັສຕີນປະລະການເຄື່ອນໄຫວ ດ້ວຍກຳລັງຮຸນແຮງ, ເຂົ້າຮ່ວມຂະບວນວິວັດທາງການເມືອງຂອງປາເລັສຕີນ.
|
|
|
