|
ຕາມຂ່າວສານຊິນຮວາ:ວັນທີ23 ກັນຍາ,ທ່ານນັດເຊີ ອານຄິດວາ ລັດຖະມົນຕີການຕ່າງປະເທດປາເລັດສະຕິນກ່າວຕໍ່ນັກຂ່າວວ່າ,ຫວ່າງມໍ່ໆນີ້,ໃນເວລາເຂົ້າຮ່ວມກອງປະຊຸມສຸດຍອດສະຫະປະຊາຊາດແລະການອະພິປາຍທົ່ວໄປຂອງສະມັດຊາໃຫຍ່ສະຫະປະຊາຊາດຄັ້ງທີ່60,ທ່ານຊາຣອນ ນາຍົກລັດຖະມົນຕີອິດສະລາແອນແລະທ່ານຊາໂລມ ລັດຖະມົນຕີການຕ່າງປະເທດອິດສະລະແອນນັ້ນ,ໄດ້ຕິດຕໍ່ສຳຜັດກັບປະເທດອິດສະລາມຕ່າງໆ,ແຕ່ນະໂຍບາຍຕໍ່ອິດສະລາແອນຂອງປະເທດອິດສະລາມຊຶ່ງລວມທັງປະເທດອາລາບກໍບໍ່ໄດ້ມີການປ່ຽນແປງທີ່ສຳຄັງແນວໃດ.
ທ່ານນັດເຊີອານຄິດວາກ່າວວ່າ,ຜູ້ນຳຂອງປະເທດອິດສະລາມຫລາຍຄົນໄດ້ກ່າວໃນກອງປະຊູມສຸດຍອດສະຫະປະຊາຊາດແລະການອິພິປາຍທົ່ວໄປຂອງສະມັດຊາໃຫຍ່ສະຫະປະຊາຊາດຢ່າງຄັກແນ່ວ່າ,ກ່ອນສ້າງຕັ້ງປະເທດປາເລັດສະຕິນທີ່ເປັນເອກະລາດ,ຈະບໍ່ສ້າງການພົວພັນການທູດຮອບດ້ານກັບອິດສະລາແອນ.ສະຫະພາບອາລາບແລະອົງການສະພາອິດສະລາມກໍກ່າວລື້ມໃນກອງປະຊຸມລັດຖະມົນຕີການຕ່າງປະເທດທີ່ຈັດຂຶ້ນຢູ່ສຳນັກງານໃຫຍ່ສະຫະປະຊາຊາດໃນຫວ່າງມໍ່ໆນີ້ວ່າ,ນະໂຍບາຍຕໍ່ອິດສະລາແອນຂອງໂລກອາລາບແລະອິດສະລາມບໍ່ມີການປ່ຽນແປງໃດໆຫມົດ.
|
