|
ລົມໃຕ້ຝຸ່ນດາມເຣຢູ່ຫວຽດນາມ ໄດ້ເຮັດໃຫ້ເກືອບຮ້ອຍຄົນເສຍຊີວິດຫຼືບາດເຈັບ
cri
ຕາມຂ່າວສານຊິນຮວາ: ຮອດວັນທີ 28 ກັນຍາ, ລົມໃຕ້ຝຸ່ນດາມເຣໄດ້ເຮັດໃຫ້ເກືອບຮ້ອຍຄົນເສຍຊີວິດຫຼືບາດເຈັບຢູ່ເຂດແຄມທະເລພາກເໜືອແລະພາກກາງ ຫວຽດນາມ, ຍັງໄດ້ພາໃຫ້ເກີດໄພນ້ຳຖ້ວມ, ດິນພູເຈື່ອນແລະອື່ນໆ.
ຕາມຂ່າວແຈ້ງວ່າ, ຕອນຂ້ອນແຈ້ງວັນທີ 27 ກັນຍາລົມໃຕ້ຝຸ່ນດາມເຣຮອບສິບປີ ໄດ້ຂຶ້ນບົກຢູ່ເຂດແຄມທະເລພາກເໜືອແລະພາກກາງຫວຽດນາມ ດ້ວຍຄວາມໄວ 75 ຫາ 88 ກີໂລແມັດຕໍ່ຊົ່ວໂມງ, ເຂດກວ້າງຂວາງລວມທັງນະຄອນຫຼວງຮ່າໂນ້ຍໄດ້ເກີດຝົນຕົກແຮງຫຼືຝົນຫ່າ. ປະຈຸບັນ, ຢູ່ແຫ່ງຕ່າງໆຂອງຫວຽດນາມໄດ້ມີນາປະມານແສນເຮັກຕາຖືກນ້ຳຖ້ວມ, ເຮືອນເປັນພັນຫຼັງເພພັງ, ຄັນຄູແລະຖະໜົນຫຼາຍບ່ອນຖືກທຳລາຍ, ຫຼາຍທ້ອງຖິ່ນໄຟຟ້າ, ການສື່ສານກໍ່ຂາດສະບັ້ນ.
|
|
