|
ຕາມຂ່າວສານຊິນຮວາ:ຕອນຫົວຄ່ຳວັນທີ29ກັນຍາ,ຢູ່ເມືອງບາລັດພາກກາງຂອງອີຣັກໄດ້ເກີດເຫດການລະເບີດດຍົນແຕກແບບຂ້າໂຕຕາຍຢ່າງລຽນຕິດສາມລາຍ,ປະຈຸບັນມີ62ຄົນໄດ້ເສຍຊີວິດ,100ກວ່າຄົນບາດເຈັບ.
ບຸກຄົນກະຊວງພາຍໃນອີຣັກກ່າວວ່າ,ເຫດການລະເບີດແຕກເກີດຂຶ້ນໃນເວລາລະຫວ່າງ6ໂມງເຄີ່ງເຖິງ7ໂມງຕອນຄ່ຳວັນທີ29,ບ່ອນເກີດເຫດລ້ວນແຕ່ຢູ່ຍ່ານການຄ້າຂອງເມືອງບາລັດ,ໃນເວລາເກີດເຫດມີໄທເມືອງຈຳນວນຫຼວງຫຼາຍກຳລັງຊື້ຂອງຢູ່ຍ່ານການຄ້າດັ່ງກ່າວ.ມັນເດັ່ນຊັດແລ້ວວ່າ,ນີ້ແມ່ນເຫດການຫຼອນໂຈມຕີທີ່ວາງແຜນໄວ້ລ່ວງໜ້າ.
ຖະແຫຼງການສະບັບໜຶ່ງທີ່ກອງທະຫານອາເມລິກາປະຈຳອີຣັກປະກາດໃນວັນທີ29ກັນຍາກ່າວວ່າ,ທະຫານອາເມລິກາຜູ່ໜຶ່ງໄດ້ເສຍຊີວິດໃນການຍິງກັນກັບຜູ່ປະກອບອາວຸດຢູ່ເມືອງຣາມາດີພາກຕະເວັນຕົກສ່ວນກາງຂອງອີຣັກ.ນອກນັ້ນ,ວັນທີ28ກັນຍາ,ຍັງມີທະຫານຂອງກອງທັບເຮືອສູ້ລົບເທີງບົກຂອງເມລິກາ5ຄົນໄດ້ເສຍຊີວິດໃນເຫດການລູກລະເບີດຢູ່ແຄມທາງແຕກທີ່ເມືອງຣາມາດີ.
|
