|
|
 |
| (GMT+08:00)
2005-10-15 18:41:50
|
 |
|
ລັດຖະທຳມະນູນສະບັບທຳອິດຫຼັງສົງຄາມຂອງອີຣັກໄດ້ດຳເນີນການປ່ອນບັດເອົາປະຊາມະຕິ
cri
ຕາມຂ່າວສານຊິນຮວາ: ການປ່ອນບັດເອົາປະຊາມະຕິທົ່ວປວງຊົນກ່ຽວກັບລັດຖະທຳມະນູນສະບັບທຳອິດຫຼັງສົງຄາມຂອງອີຣັກໄດ້ເລີ່ມດຳເນີນໃນເວລາ 7 ໂມງເຊົ້າວັນທີ 15 ຕຸລາເວລາທ້ອງຖິ່ນ, ທ່ານທາລາບານີ ປະທານາທິບໍດີອີຣັກແລະທ່ານຈາຟາຣີ ນາຍົກລັດຖະມົນຕີອີຣັກໄດ້ນຳໜ້າປ່ອນບັດກ່ອນໝູ່ຢູ່ບ່ອນປ່ອນບັດູໃນເຂດສີຂຽວຂອງແບກແດດ.
ທ່ານທາລາບານີຮຽກຮ້ອງໃຫ້ຊາວອີຣັກໝົດທຸກຄົນຮັບເອົາລັດຖະທຳມະນູນສະ ບັບນີ້, ເພາະວ່າ, ລັດຖະທຳມະນູນໄດ້ສະແດງເຖິງຄວາມຕັດສິນໃຈທີ່ຈະສ້າງປະເທດທີ່ມີປະຊາທິປະໄຕ, ເປັນສະຫະພັນ, ສາມັກຄີກັນແລະເປັນເອກະລາດ. ທ່ານຈາຟາຣີເວົ້າວ່າ, ນີ້ແມ່ນມື້ໜຶ່ງທີ່ມີຄວາມໝາຍປະຫວັດສາດ, ລັດຖະທຳມະນູນຈະສ້າງພື້ນຖານໃຫ້ແກ່ຄວາມສາມັກຄີຂອງປະເທດຊາດ. ທ່ານເຫັນໄປໃນແງ່ດີທີ່ຊາວອີຣັກຈະຮັບເອົາລັດຖະທຳມະນູນສະບັບນີ້. ແຕ່ວ່າຜູ້ປ່ອນບັດຂອງນິກາຍຊຸນນິດທີ່ຈະເປັນປັດໄຈຕັດສິນຊີ້ຂາດຕໍ່ຜົນການປ່ອນບັດເອົາປະຊາມະຕິນັ້ນອາດຈະປ່ອນບັດຄັດຄ້ານລັດຖະທຳມະນູນ, ອົງການນິກາຍຊຸນນິດລວມທັງສະພາຜູ້ອາວຸໂສມຸສລີມເຫັນວ່າລັດຖະທຳມະນູນສະບັບນີ້ຂາດຄວາມທ່ຽງທຳ, ສະນັ້ນຈຶ່ງຮຽກຮ້ອງໃຫ້ຜູ້ປ່ອນບັດປ່ອນບັດຄັດຄ້ານ.
|
|
|
