|
|
 |
| (GMT+08:00)
2005-10-16 18:08:00
|
 |
|
ປະຊາຄົມໂລກສະແດງຄວາມຊົມເຊີຍຕໍ່ອີຣັກທີ່ຈັດການປ່ອນບັດເອົາປະຊາມະຕິທົ່ວປວງຊົນກ່ຽວກັບລັດຖະທຳມະນູນສະບັບໃໝ່
cri
ຕາມຂ່າວCRI: ການປ່ອນບັດເອົາປະຊາມະຕິທົ່ວປວງຊົນກ່ຽວກັບລັດຖະທຳມະນູນສະບັບໃໝ່ຂອງອີຣັກໄດ້ສ້ຽງສຸດລົງໃນເວລາ 5 ໂມງແລງວັນທີ 15 ຕຸລາເວລາທ້ອງຖິ່ນ, ປະຊາຄົມໂລກໄດ້ພາກັນສະແດງຄວາມຊົມເຊີຍຕໍ່ເລື່ອງນີ້.
ທ່ານອານນານ, ເລຂາທິການໃຫຍ່ອົງການສະຫະປະຊາຊາດກ່າວໃນຖະແຫຼງການວ່າ, ການປ່ອນບັດເອົາປະຊາມະຕິກ່ຽວກັບລັດຖະທຳມະນູນສະບັບໃໝ່ຈັດຂຶ້ນຢ່າງສະດວກ, ໄດ້ສ່ອງແສງໃຫ້ເຫັນຄວາມຕັດສິນໃຈຂອງປະຊາຊົນອີຣັກທີ່ສະແດງຄວາມປາຖະໜາການເມືອງດ້ວຍຮູບການປະຊາທິປະໄຕ. ຖະແຫຼງການກ່າວເນັ້ນວ່າ, ອົງການສະຫະປະຊາຊາດຈະສະໜັບສະໜູນຂະບວນການການເມືອງຂອງອີຣັກຄືແຕ່ກ່ອນທີ່ຜ່ານມາ.
ວັນທີ 15 ຕຸລາ, ທ່ານນາງວານເດິເນີ ກຳມະການຮັບຜິດຊອບນະໂຍບາຍການພົວພັນກັບຕ່າງປະເທດແລະຖືກຕ້ອງປອງດອງກັນກັບປະເທດໃກ້ຄຽງຂອງສະຫະພາບເອີລົບໄດ້ເວົ້າໃນຖະແຫຼງການວ່າ, ການຈັດໃຫ້ມີການປ່ອນບັນເອົາປະຊະມະຕິທົ່ວປວງຊົນກ່ຽວກັບລັດຖະທຳມະນູນສະບັບໃໝ່ແມ່ນບາດກ້າວສຳຄັນກ້າວໜື່ງທີ່ອີຣັກກ້າວເຂົ້າສູ່ຂະບວນການປະຊາທິປະໄຕແລະສະຖຽນລະພາບ, ຄະນະກຳມະ ການສະຫະພາບເອີລົບຈະສືບຕໍ່ຊ່ອຍປະຊາຊົນອີຣັກສ້າງປະເທດທີ່ມີສະຖຽນລະພາບແລະຈະເລີນຮຸ່ງເຮືອງໂດຍຜ່ານອົງການປະຊາທິປະໄຕ.
|
|
|
