|
ຕາມຂ່າວcri:ວັນທີ19ຕຸລາ,ສານພິເສດອີຣັກໄດ້ໄຕ່ສ່ວນຕໍ່ທ່ານຊັດດາມອະດີດປະທານາທິບໍດີອີຣັກແລະເຈົ້າໜ້າທີ່ອາວຸໂຊ7ຄົນຂອງລັດຖະບານຊັດດາມເປັນຄັ້ງທຳອິດ, ຄົນອີຣັກປະຕິກິລິຍາຕ່າງກັນຕໍ່ເລື່ອງນີ້.
ປະຊາຊົນອີຣັກຈຳນວນໜຶ່ງເຫັນວ່າການໄຕ່ສ່ວນແມ່ນ"ຍ້ອນຈຸດປະສົງທາງການເມືອງ",ການເລືອກເວລາໄຕ່ສ່ວນແມ່ນເພື່ອຍ້າຍຄວາມເອົາໃຈໃສ່ຕໍ່ຜົນການເອົາປະຊາມະຕິທົ່ວປວງຊົນຕໍ່ລັດຖະທຳມະນູນຂອງອີຣັກແລະທົ່ວໂລກ.ແຕ່ປະຊາຊົນອີກຈຳນວນອື່ນພັດຫວັງໃຫ້ໄຕ່ສວນຢ່າງຍຸດຕິທຳ,ເຮັດໃຫ້ຜູ້ທີ່ເຄີຍຖືກທ່ານຊັດດາມກົດຂີ່ນັ້ນສາມາດສົ່ງເສີມຄວາມເປັນທຳຢູ່ອີຣັກໃໝ່.
ບັນດາຝ່າຍການເມືອງອີຣັກກໍ່ຕີລາຄາແຕກຕ່າງກັນຕໍ່ການໄຕ່ສ່ວນທ່ານຊັດດາມ,ທ່ານກາຊີ ອານະວາຮອງປະທານາທິບໍດີອີຣັກສັງກັດນິກາຍຊຸນນິດປະຕິເສດບໍ່ຕີລາຄາຕໍ່ເລື່ອງນີ້,ທ່ານພຽງແຕ່ກ່າວວ່າຫວັງໃຫ້"ການໄຕ່ສ່ວນຢ່າຖືກຫັນເປັນການເມືອງ".ທ່ານອັດນານ ອາຈານາບີສະມາຊິກສະພາສັງກັດນິກາຍຊຸນນິດພັດເຫັນວ່າ,ລັດຖະບານໄຕ່ສ່ວນທ່ານຊັດດາມຍ້ອນຈຸດປະສົງທາງການເມືອງ,ອາດຈະເກີດມີຜົນກະທົບທາງລົບຕໍ່ອີຣັກ.ທ່ານຮາດີ ອາໄມລີຜູ່ນຳກອງພົນນ້ອຍບາເດີ ອົງການຈັດຕັ້ງປະກອບອາວຸດນິກາຍຊີອິດ ສະມາຊິກສະພາເຫັນວ່າ,ຄວນມີການໄຕ່ສ່ວນທີ່ຍຸດຕິທຳ.
ນອກນີ້,ຂ່າວແຈ້ງວ່າ,ວັນທີ20ຕຸລາ,ສະມາຊິກຜູ່ໜຶ່ງຂອງຄະນະທະນາຍຄວາມທ່ານຊັດດາມໄດ້ຖືກຜູ້ປະກອບອາວຸດທີ່ບໍ່ຮູ້ຖານະລັກພາຕົວແລ້ວ.
|
