|
ກອງປະຊຸມລັດຖະມົນຕີກະຊວງສາທາລະນະສຸກນາໆປະເທດເພື່ອປ້ອງກັນແລະຄວບຄຸມພະຍາດໄຂ້ຫວັດໃຫຍ່ຈັດຂຶ້ນຢູ່ການາດາ
cri
Author: li
ຕາມຂ່າວ CRI: ກອງປະຊຸມລັດຖະມົນຕີກະຊວງສາທາລະນະສຸກນາໆປະເທດເພື່ອປ້ອງກັນແລະຄວບຄຸມພະຍາດໄຂ້ຫວັດໃຫຍ່ໄດ້ໄຂຂຶ້ນຢູ່ອົດຕາວາ ນະຄອນຫຼວງການາດາໃນວັນທີ 24 ຕຸລາ,ກອງປະຊຸມຈະດຳເນີນສອງມື້.
ລັດຖະມົນຕີກະຊວງສາທາລະນະສຸກຂອງ 30 ປະເທດເຊັ່ນຈີນ,ອາເມລິກາ,ອັງກິດ,ອິນໂດເນເຊຍ,ແມັກຊິກແລະອາຟິຼກາໃຕ້ພ້ອມດ້ວຍເຈົ້າໜ້າທີ່ຂອງອົງການອະນາໄມໂລກ,ອົງການຟາວສະຫະປະຊາຊາດແລະກົມພະຍາດສັດສາກົນໄດ້ເຂົ້າຮ່ວມກອງປະຊຸມເທື່ອນີ້. ເຮັດແນວໃດຈະສະກັດກັ້ນການແຜ່ລາມເຊື້ອໂຣກຂອງພະຍາດໄຂ້ຫວັດສັດປີກ H5N1 ປະເພດຮ້າຍແຮງແມ່ນຫົວຂໍ້ໜຶ່ງທີ່ສຳຄັນກວ່າໝູ່ຂອງກອງປະຊຸມ.
ກ່ອນປະຊຸມ,ທ່ານດີອູຟ ຜູ້ອຳນວຍການໃຫຍ່ອົງການຟາວສະຫະປະຊາຊາດກ່າວວ່າ,ນັບມາຮອດປັດຈຸບັນ,ການລົງທຶນຂອງປະຊາຄົມໂລກໃນດ້ານປ້ອງກັນແລະຄວບຄຸມພະຍາດໄຂ້ຫວັດສັດປີກຍັງບໍ່ພໍຫຼາຍ.
|
|
