|
ຕາມຂ່າວcri:ວັນທີ29ຕຸລາ,ທ່ານຫູຈີນທາວເລຂາທິການໃຫຍ່ສູນກາງພັກກອມມູນິດຈີນ ປະທານປະເທດຈີນໄດ້ພົບປະທ່ານກິມ ຢົງນາມປະທານຄະນະປະຈຳສະພາປະຊາຊົນສູງສຸດສ.ປ.ປ.ເກົາຫຼີຢູ່ທີ່ພຽງຢາງ.
ທ່ານຫູຈີນທາວເວົ້າວ່າ,ພາຍໃຕ້ສະຖານະການໃໝ່,ຝ່າຍຈີນຍິນດີພ້ອມກັບພັກ ລັດຖະບານແລະປະຊາຊົນສ.ປ.ປ.ເກົາຫຼີສຶບຕໍ່ທຳຄວາມພະຍາຍາມ,ຊຸກຍູ້ການພົວພັນໄມຕິຈິດຮ່ວມມືລະຫວ່າງຈີນກັບສ.ປ.ປ.ເກົາຫຼີໄປສູ່ລະດັບສູງກວ່າເກົ່າ,ສ້າງຄວາມສຸກໃຫ້ແກ່ປະຊາຊົນສອງຊາດ.
ທ່ານຫູຈີນທາວຊີ້ອອກວ່າ,ໃນຫຼາຍປີມານີ້,ການແລກປ່ຽນແລະການຮ່ວມມືໃນຂົງເຂດຕ່າງໆລະຫວ່າງຈີນກັບສ.ປ.ປ.ເກົາຫຼີໄດ້ຮັບໝາກຜົນທີ່ອຸດົມສົມບູນ.ຝ່າຍຈີນຍິນດີສືບຕໍ່ອີງຕາມຫຼັກການຕ່າງຝ່າຍຕ່າງມີຜົນປະໂຫຍດແລະພ້ອມກັນພັດທະນາ,ສົ່ງເສີມແລະສະໜັບສະໜູນວິສາຫະກິດຈີນກັບວິສາຫະກິດສ.ປ.ປ.ເກົາຫຼີດຳເນີນການລົງທຶນຮ່ວມມືກັນທີ່ມີຫຼາຍຮູບຫຼາຍແບບ.
ທ່ານກິມ ຢົງນາມເວົ້າວ່າ,ການຢ້ຽມຢາມຂອງທ່ານເລຂາທິການໃຫຍ່ຫູຈີນທາວຍ່ອມຈະຂຽນໜ້າໃໝ່ໃນປະຫວັດການພົວພັນໄມຕິຈິດຮ່ວມມືລະຫວ່າງສ.ປ.ປ.ເກົາຫຼີກັບຈີນີອັນມີມູນເຊື້ອ.ຝ່າຍສ.ປ.ປ.ເກົາຫຼີຈະເກາະແຂນກັບຝ່າຍຈີນທຳຄວາມພະຍາຍາມ,ເພີ່ມທະວີມິດຕະພາບອັນມີມູນເຊື້ອລະຫວ່າງສ.ປ.ປ.ເກົາຫຼີກັບຈີນ,ອີງຕາມຫຼັກການຕ່າງຝ່າຍຕ່າງໄດ້ຜົນ,ໃຊ້ມາດຕະການຢ່າງແຂງແຮງຊຸກຍູ້ການຮ່ວມມືລະຫວ່າງສອງປະເທດ.
ມື້ດຽວກັນ,ທ່ານຫູຈີນທາວຍັງໄດ້ໄປຢ້ຽມຢາມໂຮງງານຜະລິດແກ້ວມີດຕະພາບເດອານຈີນສ.ປ.ປ.ເກົາຫຼີທີ່ຈີນຊ່ອຍສ້າງໂດຍມີທ່ານກິມຈົງອີມເລຂາທິການໃຫຍພັກແຮງງານເກົາຫຼີເປັນເພື່ອນ.
|
