ຕາມຂ່າວCRI: ວັນທີ 15 ພະຈິກ, ທ່ານນາງໄລສ໌ ລັດຖະມົນຕີກະຊວງການຕ່າງປະເທດອາເມລິກາທີ່ພວມຢ້ຽມຢາມອິສຣາແອນປະກາດວ່າ, ອິສຣາແອນກັບປາເລັສຕິນໄດ້ເຊັນສັນຍາກ່ຽວກັບບັນຫາເປີດຊາຍແດນແຖບກາຊາ.
ຕາມສັນຍາສະບັບນີ້, ດ່ານຊາຍແດນຣາຟາທີ່ຕັ້ງຢູ່ລະຫວ່າງແຖບກາຊາກັບເອຢິບຈະເປີດບໍລິການໃນວັນທີ 25 ພະຈິກ, ຊາວປາເລັສຕິນຢູ່ແຖບກາຊາຈະສາມາດເຂົ້າອອກຢ່າງເສລີ.
ວັນທີ 15 ພະຈິກ, ທ່ານອານນານ ເລຂາທິການໃຫຍ່ອົງການສະຫະປະຊາຊາດໄດ້ຜ່ານໂຄສົກອອກຖະແຫຼງການ, ຊົມເຊີຍອິສຣາແອນກັບປາເລັສຕິນເຊັນສັນຍາກ່ຽວກັບເປີດດ່ານຣາຟາທີ່ຢູ່ຊາຍແດນລະຫວ່າງແຖບກາຊາກັບເອຢິບ.
ນອກນີ້ຂ່າວແຈ້ງວ່າ, ວັນທີ 15 ພະຈິກ, ທ່ານອັບບາສ ປະທານອົງການອຳນາດແຫ່ງຊາດປາເລັສຕິນກ່າວວ່າ, ທ່ານເຊື່ນວ່າປາເລັສຕິນກັບອິສຣາແອນມີເຊັນສັນຍາສັນຕິພາບແມ່ນມີຄວາມອາດເປັນໄປໄດ້. ຖ້າຝ່າຍອິສຣາແອນຍິນດີເຈລະຈາກັບປາເລັສຕິນແລ້ວ, ປາເລັສຕິນກັບອິສຣາແອນກໍຈະໄດ້ເຊັນສັນຍາສັນຕິພາບຕ້ອງການເວລາເຄິ່ງປີເທົ່ານັ້ນ.
|