ຕາມ​ຂ່າວສານ​ຊິນ​ຮວາ: ຕອນ​ຄ່ຳວັນ​ທີ 24 ພະຈິກ,ງານ​ລາຕີ​ທີ່​ມີ​ຫົວ​ຂໍ້​ວ່າ "ລາຕີວັດທະນະທຳ" ແມ່ຍິງ​ຈີນ​​ໄທ​ທີ່​ຈັດ​ໂດຍສະຫະພັນ​ແມ່ຍິງ​​ແຫ່ງ​ຊາດ​ຈີນ​ແລະ​ສະພາແມ່ຍິງ​ແຫ່ງ​ຊາດ​ໄທ​ໄດ້​ຈັດ​ຂຶ້ນຢູ່​ບາງກອກ​, ນີ້​ແມ່ນການ​ເຄື່ອນໄຫວໜຶ່ງ​ຂອງແມ່ຍິງ​ຈີນ​ແລະໄທ​ເພື່ອສະຫຼອງສອງ​ປະ​ເທດ​ສ້າງສາຍສຳພັນ ທາງ​ການ​ທູດ​ຄົບຮອບ 30 ປີ.

ສະ​ເດັດ​ລາຊະ​ກຸ​ມະ​ລີ​ມະຫາ​ຈັກກຼີ ສິລິ​ນທອນ​​ແຫ່ງ​ປະ​ເທດ​ໄທ, ​ແລະທ່ານນາງ​ກູ້​ຊິ້ວລຽນ ປະທານ​ສະຫະພັນ​ແມ່ຍິງ​ແຫ່ງ​ຊາດຈີນ​ໄດ້​ເຂົ້າຮ່ວມ​ງານ​ລາຕີ.

ກ່ອນ​​ໄຂ​ງານ​ລາຕີ ທ່ານນາງ​ກູ້​ຊິ້ວລຽນກ່າວ​ຄຳ​ປາ​ໄສ​ວ່າ, ​ການ​ເຄື່ອນ​ໄຫວ​ເທື່ອ​ນີ້​ຍ່ອມຈະ​ເພີ່ມພະລັງ​​ແຮງໃໝ່​​​ໃຫ້​ແກ່ການ​​ແລກປ່ຽນ​ແລະ​​ຮ່ວມ​ມື​ລະຫວ່າງ​ແມ່ຍິງ​ສອງ​ປະ​ເທດ, ​​ແລະ​ຍ່ອມຈະ​ຊຸກ​ຍູ້​ໃຫ້ການ​ພົວພັນຂອງ​ສອງ​ປະ​ເທດຂະຫຍາຍຕົວ​ລົງ​ສູ່​ລວງ​ເລິກ.