ຕາມ​ຂ່າວCRI ,ວັນ​ທີ 3 ທັນວາ,ອູ​ແກຼນ​ໄດ້​ປະກາດ​ວ່າ​ເຂດສ່ວນ​ຫນຶ່ງຂອງ ສາທາລະນະ​ລັດ​ຄຼີ​ເມຍປົກຄອງ​ຕົນ​ເອງທີ່​ໄດ້​ປະກົດ​ເຫັນ​ພະຍາດ​ໄຂ້ຫວັດ​ສັດ​ປີກນັ້ນ​ໄດ້​ເຂົ້າ​ສູ່​ສະພາວະ​ສຸກ​ເສີນ.

ມື້​ດຽວ​ກັນ,ທ່ານ​ຢູ​ເຊັນ​ໂຄ ປະທານາທິບໍດີ​ອູ​ແກຼນ​ໄດ້​ຈັດ​ກອງ​ປະຊຸມດ່ວນ​​ກ່ຽວ​ກັບ​ການ​ຮັບ​ມື​ກັບ​ໄຂ້​ຫວັດ​ສັດ​ປີກ,ຕົກລົງ​ໃຫ້​ເຂດ​ທີ່​​ໄດ້​ຢືນຢັນ​ວ່າ​ມີ​ພະຍາດ​ໄຂ້ຫວັດ​ສັດ​ປີກ​ນັ້ນ​ເຂົ້າ​ສູ່​ສະພາວະ​ສຸກ​ເສິນ​ໃນ​ທັນທີ,​ໃນ​ກອງ​ປະ​ຊຸມ​ເທື່ອ​ນີ້,ຍັງ​ໄດ້​ຈັດ​ຕັ້ງ​ກອງ​ບັນຊາ​ການ​ພະຍາດ​ທີ່​ນຳ​ໂດຍ​ທ່ານ ວິກຕໍ ບາ​​ໂລກາ  ລັດຖະມົນຕີ​ກະຊວງ​ສະພາບສຸກ​ເສິນ.

ວັນ​ທີ 3 ທັນວາ,ກະຊວງ​ນະ​ໂຍບາຍ​ກະສິກຳ​ຂອງ​ອູ​ແກຼນ​ໄດ້​ຢືນຢັນ​ວ່າ,ສັດ​ປີກ​ຈຳນວນ​ຫນຶ່ງ​ຢູ່​ສາທາ ລະນະ​ລັດ​ຄຼີ​ເມຍປົກຄອງ​ຕົນ​ເອງ  ພາກ​ໃຕ້ ຂອງ​ອູ​ແກຼນ​ໄດ້​ຕາຍ​ຍ້ອນຕິດ​ເຊື້ອ​ໂຣກໄຂ້ຫວັດ​ສັດ​ປີກ​ປະ​ເພດ​H5ສຳຮອງ ,ນີ້​ແມ່ນ​ອູ​ແກຼນ​ໄດ້​ປະ​ກົດ​ເຫັນ​ເຊື້ອ​​ໂຣກໄຂ້ຫວັດ​ສັດ​ປີກ​ປະ​ເພດ​ H 5ສຳຮອງຄັ້ງ​ທຳ​ອິດ​ໃນ​ປີ 2005.