ຕາມ​ຂ່າວສານ​ຊິນ​ຮວາ:ວັນ​ທີ7 ທັນວາ,ກົມ​ສັດຕະວະ​ແພດກະຊວງ​ກະສິກຳ​​ແລະ​ການ​ພັດທະນາຊົນນະບົດຫວຽດນາມ​ຢືນຢັນ​ວ່າ,​ແຂ​ວງຮາ​ເຢື່ອງຫວ​ຽດ​ນາມ​ທີ່​ມີ​​ຊາຍແດນ​ຕິບກັບ​ແຂວງ​ຢຸນນານ​ຈີນ​ປະກົດ​ເຫັນ​ພະຍາດ​ໄຂ້ຫວັດ​ສັດ​ປີກ,​ປະຈຸ​ບັນ,​ໄດ້​ມີ​ສັດ​ປີກທີ່​ຕິດ​ແປດພະຍາດ41​ໂຕ​ຕາຍ​ແລ້ວ.

ກົມສັດຕະວະ​ແພດ​ກະຊວງ​ກະສິກຳ​​ແລະ​ການ​ພັດທະນາ​ຊົນນະບົດຫວຽດນາມກ່າວ​ວ່າ,​ເດືອນ​ແລ້ວນີ້,​ເມືອງ​ບັກ​ກ່ວງແຂວງ​ຮາ​ເຢື່ອງ​ມີ​ສັດ​ປີກ​ຕາຍ,ຜົນ​ກວດກາ​ເຊື້ອ​ພະຍາດ​ໄຂ້ຫວັດ​ສັດ​ປີກ​ແບບH5​ເປັນຫມາຍ​ບວກ.

ຕາມສະຖິຕິຂອງ​ກະຊວງ​ກະສິກຳ​​ແລະ​ການ​ພັດທະນາຊົນນະບົດຫວຽດນາມ​,​ແຕ່​ເດືອນ​ຕຸ​ລາປີ​ນີ້​ເປັນ​ຕົ້ນ​ມາ,ຫວຽດນາມ​ມີ24​ແຂວງ​ແລະນະຄອນມີ​ສັດ​ປີກ​ຕາຍ.